ترکی میں تارکین وطن کی بس کو حادثہ، 18 افراد جاں بحق

ترکی میں تارکین وطن کی بس کو حادثہ، 18 افراد جاں بحق

استنبول: ترکی میں تارکین وطن کی بس گہری کھائی میں جاگری جس کے نتیجے میں 18 افراد جاں بحق ہوگئے۔

غیرملکی خبررساں ادارے کے مطابق ترکی کے جنوبی شہر میں تارکین وطن کی بس حادثے کا شکار ہوگئی جس کے نتیجے میں 18 افراد جان کی بازی ہار گئے اور 52 زخمی ہوگئے۔

رپورٹ کے مطابق افسوسناک واقعہ ترکی کے جنوبی شہر وان میں پیش آیا جب ڈرائیور سے بے قابو ہوکر منی بس گہری کھائی میں جاگری۔

وان شہر کے گورنر کا کہنا ہے کہ بس میں تارکین وطن سوار تھے جن کا تعلق پاکستان، بنگلہ دیش اور افغانستان سے ہے، جاں بحق ہونے والوں میں خواتین اور بچے بھی شامل ہیں۔

ریسکیو ٹیموں کی جانب سے جائے حادثہ پر امدادی کارروائیوں کا آغاز کرتے ہوئے ہلاک و زخمیوں کو اسپتال منتقل کردیا گیا ہے جہاں بیشتر زخمیوں کی حالت تشویشناک بتائی گئی ہے۔

ترکش میڈیا کا کہنا ہے تارکین وطن غیرقانونی طریقے سے ملک میں داخل ہورہے تھے۔

واضح رہے کہ بہتر مستقبل کے لیے مشکل راستوں سے غیرقانونی طور پر یورپ جانے والے ہر سال سیکڑوں افراد اپنی جان سے ہاتھ دھو بیٹھتے ہیں۔

یاد رہے کہ گزشتہ سال مارچ میں ترکی کے صوبے ارگد میں غیرقانونی تارکین وطن کی بس بجلی کے کھمبے سے ٹکراگئی تھی جس کے نتیجے میں 17 افراد جاں بحق اور 36 زخمی ہوگئے تھے۔

کرتارپور راہداری ایک مثبت پیش رفت ہے

یہ بھی پڑھیں

بھارت میں کورونا وائرس متاثرین کی تعداد چین سے زیادہ ہوگئی

نئی دہلی: بھارتی وزارتِ صحت کے مطابق گزشتہ 24 گھنٹوں میں کورونا وائرس کے مزید …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے