سیلز ٹیکس کے خلاف ہڑتال کی کال واپس

سیلز ٹیکس کے خلاف ہڑتال کی کال واپس

لاہور:اب حکومت کے ساتھ مذاکرات کامیاب ہونے کے بعد فلوز ملز مالکان نے تین روزہ ہڑتال کی کال واپس لے لی ہے

پاکستان فلور ملز ایسوسی ایشن نے حکومت سے آٹے اور آٹے کی مصنوعات پر عائد جنرل سیلز ٹیکس کے خاتمے کا مطالبہ کیا تھا لیکن حکومت کی جانب سے سیلز ٹیکس کے خاتمے سے انکار پر ملز مالکان نے آج سے تین روزہ ہڑتال کا اعلان کر رکھا تھا۔
مذاکرات کامیاب ہونے کے بعد فلوز ملز مالکان نے تین روزہ ہڑتال کی کال واپس لے لی ہے۔
فلور ملز ایسوسی ایشن کے گروپ لیڈر عاصم رضا احمد نے بتایا کہ وزیر اعلیٰ پنجاب عثمان بزدار، جہانگیر ترین اور چیئرمین ایف بی آر شبر زیدی نے مذاکرات میں مثبت کردار ادا کیا جس پر ان کے شکر گزار ہیں۔
فیڈرل بورڈ آف ریونیو (ایف بی آر) نے وزیراعظم عمران خان کی ہدایت پر قانونی وضاحتی خط جاری کیا ہے جس کے مطابق آٹے اور چوکر پر عائد 17 فیصد سیلز ٹیکس کا خاتمہ کر دیا گیا ہے۔
قانونی وضاحت کے مطابق آٹا، میدہ اور فائن کی کسی بھی پیکنگ یا اوپن فروخت پر سیلز ٹیکس عائد نہیں ہو گا تاہم اعلامیے میں چوکر پر سیلز ٹیکس عائد ہونے کے حوالے سے کوئی وضاحت نہیں کی گئی ہے۔
فلور ملز مالکان کی جانب سے چوکر پر عائد سیلز ٹیکس بھی واپس لینے کا مطالبہ کیا جا رہا ہے۔

یہ بھی پڑھیں

ہم مولانا فضل الرحمان کی گزشتہ پارلیمان کی تقریروں کی روشنی میں آگے بڑھ رہے ہیں

ہم مولانا فضل الرحمان کی گزشتہ پارلیمان کی تقریروں کی روشنی میں آگے بڑھ رہے ہیں

سیالکوٹ: پارلیمان اس وقت تک جعلی نہیں ہو سکتی جب تک مولانا فضل الرحمان کے …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے