نیوزی لینڈ کے کپتان ولیمسن نے عالمی ریکارڈ اپنے نام کرلیا

نیوزی لینڈ کے کپتان ولیمسن نے عالمی ریکارڈ اپنے نام کرلیا

لندن: نیوزی لینڈ کے کپتان اور بلے باز ولیمسن نے ورلڈکپ 2019 میں شاندار کھیل کی بدولت عالمی ریکارڈ اپنے نام کرلیا۔

تفصیلات کے مطابق نیوزی لینڈ اور میزبان ٹیم انگلینڈ کے درمیان لارڈز میں فائنل میچ کھیلا گیا جس میں کیویز کی ٹیم کے کپتان ولیمسن اچھی کارکردگی نہ دکھا سکے اور صرف 30 رنز بناکر آؤٹ ہوئے۔

ویسے تو ورلڈکپ کے کئی میچز میں ولیمسن نے مرد آہن کا کردار ادا کرتے ہوئے اپنی ٹیم کو اکیلے ہی میچ جتوائے البتہ آج وہ ہنری نکولس کے ساتھ اچھی شراکت داری تو کرنے میں کامیاب ہوئے مگر خود بہترین بلے بازی نہ کرسکے۔

آئی سی سی کے مطابق ورلڈکپ 2019 کے تمام میچز میں ولیمسن نے 577 رنز بنائے اور اسی کے ساتھ وہ ورلڈکپ ایڈیشن میں بحیثیت کپتان سب سے زیادہ اسکور کرنے والے بیٹسمین بن گئے۔

کین نے مجموعی طور پر ورلڈکپ کے دوران بہترین قیادت کی جس کے باعث اُن کی ٹیم نے فائنل تک جگہ بنائی۔ یاد رہے کہ اس سے قبل ورلڈکپ میں بحیثیت کپتان سب سے زیادہ رنز بنانے کا اعزاز سری لنکن کپتان مہیلا جے وردنے کے پاس تھا جنہوں نے 2007 کے عالمی کپ میں 548 رنز اسکور کیے تھے جبکہ دوسرے نمبر پر آسٹریلوی کپتان رکی پونٹنگ تھے جہوں نے 539 رنز بنائے تھے۔

انگلینڈ اور نیوزی لینڈ کا میچ ورلڈ کپ کی تاریخ کا بہترین فائنل تھا: وسیم اکرم

یہ بھی پڑھیں

آسٹریلیا میں‌ موجود فاسٹ بولرنسیم شاہ والدہ کے جنازے میں‌ شرکت نہ کرسکے

آسٹریلیا میں‌ موجود فاسٹ بولرنسیم شاہ والدہ کے جنازے میں‌ شرکت نہ کرسکے

لاہور: قومی کرکٹ ٹیم کے فاسٹ بولر نسیم شاہ کی والدہ گزشتہ رات انتقال کرگئیں۔ …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے