ٹرمپ نے پال رایان کو احمق قرار دے دیا

امریکی صدر نے ایوان نمائندگان کے سابق سربراہ پال رایان پر کڑی نکتہ چینی کرتے ہوئے انہیں احمق قرار دے دیا۔

 ٹرمپ کا کہنا تھا کہ پال رایان جیسے ری پبلکن اراکین، پارٹی کی تباہی کا باعث بن رہے ہیں کیونکہ وہ کمزور، غیر موثر اور احمق ہیں۔
انہوں نے ایوان نمائندگان کے اقلیتی دھڑے کے سربراہ مک کارٹی کو پال رایان کے مقابلے میں کہیں زیادہ باصلاحیت رہنما قرار دیا۔
ٹرمپ نے پال رایان کی توہین جاری رکھتے ہوئے کہا کہ ان جسے افراد ریپبلکن پارٹی کو تباہ کر کے رکھ دیں گے۔
ٹرمپ نے ایوان نمائندگان کے سابق سربراہ پر یہ حملے، امریکی جریدے پولیٹیکو سے وابستہ صحافی ٹم البرٹا کی تازہ کتاب امریکن کارنیج میں، سن دو ہزار سولہ کی انتخابی مہم اور صدر امریکہ کی حیثیت سے اپنے کردار کے بارے میں پال رایان کے منفی تاثرات سامنے آنے کے بعد کیے۔
البرٹا نے اپنی تازہ کتاب میں لکھا ہے کہ پال رایان کا کہنا ہے کہ وہ مزید دو سال تک ٹرمپ کو تحمل نہیں کر سکتے اور سیاست سے ریٹائر منٹ کو ترجیح دیتے ہیں۔ رایان کا کہنا ہے کہ ٹرمپ کو کچھ پتہ نہیں کہ حکومت کیسے چلائی جاتی ہے۔

انگلینڈ پہلی بار کرکٹ ورلڈ کپ کا چیمپئن بن گیا ، نیوزی لینڈ کو شکست

یہ بھی پڑھیں

’اسنیپ چیٹ‘ نے امریکی صدر ڈونلڈ ٹرمپ کی ایپلیکیشن پر تشہیر روک دی

’اسنیپ چیٹ‘ نے امریکی صدر ڈونلڈ ٹرمپ کی ایپلیکیشن پر تشہیر روک دی

واشنگٹن: ٹرمپ نے حالیہ دنوں سوشل میڈیا پر سیاہ فاموں کی جانب سے احتجاج اور …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے