انگلینڈ نے نیوزی لینڈ کو شکست دیکر سیمی فائنل میں جگہ بنا لی

انگلینڈ نے نیوزی لینڈ کو شکست دیکر سیمی فائنل میں جگہ بنا لی

ڈرہم: کرکٹ ورلڈکپ 2019 کے 41 ویں میچ میں میزبان انگلینڈ نے نیوزی لینڈ کو شکست دیکر سیمی فائنل کے لیے کوالیفائی کر لیا جب کہ پاکستان کی فائنل فور میں پہنچنے کی امیدیں دم توڑ گئی ہیں۔

انگلینڈ کی جانب سے دیئے گئے 306 رنز کے ہدف کے تعاقب میں نیوزی لینڈ کی پوری ٹیم 186 رنز پر ڈھیر ہو گئی۔

ڈرہم کے ریور سائیڈ گراؤنڈ میں کھیلے گئے میچ میں انگلش ٹیم کے کپتان اوئن مورگن نے ٹاس جیت کر پہلے بیٹنگ کا فیصلہ کیا تو جیسن روئے اور جونی بیئراسٹو نے اننگز کا آغاز کیا۔

دونوں بلے بازوں نے ابتدا سے ہی جارحانہ بیٹنگ کی اور 15 اوورز میں 100 رنز مکمل کیے، جیسن روئے نے 6 چوکوں کی مدد سے 55 گیندوں پر نصف سنچری مکمل کی اور وہ 60 رنز جونی بیئراسٹو نے بھی شاندار بلے بازی کا مظاہرہ کرتے ہوئے 99 گیندوں پر 15 چوکوں اور ایک چھکے کی مدد سے 106 رنز کی اننگز کھیلی۔

انگلش کپتان اوئن مورگن نے بھی 42 رنز کی اچھی اننگز کھیلی جب کہ جو روٹ نے 24 اور عادل رشید نے 16 رنز بنائے۔

انگلینڈ نے مقررہ 50 اوورز میں 8 وکٹوں کے نقصان پر 305 رنز بنائے جب کہ نیوزی لینڈ کی جانب سے جمی نیشام، میٹ ہنری اور ٹرینٹ بولٹ نے دو دو کھلاڑیوں کو آؤٹ کیا اور ایک وکٹ ٹم ساؤتھی کے حصے میں آئی۔

انگلینڈ کی جانب سے دیئے گئے 306 رنز کے ہدف کے تعاقب میں کیوی ٹیم کا آغاز انتہائی مایوس کن رہا اور یکے بعد دیگرے وکٹیں گرتی رہیں۔

بنا کر آؤٹ ہوئے۔

سوائے ٹام لیتھم کے نیوزی لینڈ کا کوئی بھی کھلاڑی انگلش بولرز کا مقابلہ نہ کر سکا اور پوری ٹیم 45 اوورز میں 186 رنز پر آؤٹ ہو گئی۔ راس ٹیلر نے 28 اور کین ولیمسن نے 27 رنز کی اننگز کھیلیں۔

انگلینڈ کی جانب سے مارک وڈ نے تین جب کہ کرس ووکس، جوفرا آرچر، لیام پلنکٹ، عادل رشید اور بین اسٹوکس نے ایک ایک وکٹ حاصل کی۔ شاندار بلے بازی پر جونی بیئراسٹو کو میچ کا بہترین کھلاڑی قرار دیا گیا۔

انگلینڈ کی ٹیم 1992 کے ورلڈ کپ کے بعد پہلی بار ورلڈ کپ کے سیمی فائنل میں پہنچی ہے۔

ہدف کے تعاقب میں کیوی بیٹنگ لائن لڑکھڑا گئی

یہ بھی پڑھیں

سابق آسٹریلوی کپتان و کمنٹیٹر ای این چیپل کینسر میں مبتلا

سابق آسٹریلوی کپتان و کمنٹیٹر ای این چیپل کینسر میں مبتلا

سڈنی: آسٹریلوی کرکٹ ٹیم کے سابق کپتان اور معروف کمنٹیٹر ای این چیپل کینسر کے …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے