پہلے اوور میں ہی پاکستان کے دو کھلاڑی آوٹ

اس وقت کریز پر سمیع اسلم اور یونس خان موجود ہیں اور اب سے کچھ دیر قبل پاکستان نے دو وکٹوں کے نقصان پر 15 رنز بنائے تھے۔

اتوار کی صبح شروع ہونے والے ٹیسٹ میچ میں پاکستان نے ٹاس جیت کر پہلے بیٹنگ کا فیصلہ کیا تو پہلے اوور کی دوسری گیند پر ہی اوپنر اظہر علی بغیر کوئی سکور بنائے سلپ میں کیچ آوٹ ہوگئے۔

اوور کی چوتھی گیند پر اسد شفیق بھی صفر پر شینن گیبریئل کے ہاتھوں ایل بی ڈبلو ہوگئے۔

خیال رہے کہ تیسرے اور آخری ٹیسٹ میچ کے لیے پاکستانی ٹیم میں دو تبدیلیاں کی گئی تھیں۔ راحت علی اور سہیل خان کی جگہ وہاب ریاض اور محمد عامر کو واپس بلایا گیا ہے۔

ادھر ویسٹ انڈیز کی ٹیم میں بھی دو تبدیلیاں کی گئی ہیں۔ میگوئل کمنز اور شائے ہوپ کی جگہ الزاری جوزف اور شین ڈاورچ نے لی ہے۔

یاد رہے کہ پاکستان نے دونوں ٹیموں کے درمیان جاری ٹیسٹ سیریز پہلے ہی اپنے نام کرلی ہے۔ اس نے دبئی میں کھیلا گیا پہلا ٹیسٹ 56 رنز سے اور ابوظہبی میں دوسرا ٹیسٹ 133 رنز سے جیتا تھا۔

واضح رہے کہ پاکستان ویسٹ انڈیز کو ٹی ٹوئنٹی اور ون ڈے سیریز میں وائٹ واش کر چکا ہے۔

یہ بھی پڑھیں

آسٹریلیا میں‌ موجود فاسٹ بولرنسیم شاہ والدہ کے جنازے میں‌ شرکت نہ کرسکے

آسٹریلیا میں‌ موجود فاسٹ بولرنسیم شاہ والدہ کے جنازے میں‌ شرکت نہ کرسکے

لاہور: قومی کرکٹ ٹیم کے فاسٹ بولر نسیم شاہ کی والدہ گزشتہ رات انتقال کرگئیں۔ …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے