شمالی کوریائی سربراہ تعلقات کی راہ کو خطرے میں نہیں ڈالیں گے: ٹرمپ

شمالی کوریائی سربراہ تعلقات کی راہ کو خطرے میں نہیں ڈالیں گے: ٹرمپ

واشنگٹن: امریکی صدر ڈونلڈ ٹرمپ نے امید ظاہر کی ہے کہ شمالی کوریا کے سربراہ کم جونگ ان تعلقات کی راہ کو خطرے میں نہیں ڈالیں گے۔

تفصیلات کے مطابق شمالی کوریا کی جانب سے نئے میزائل کا کامیاب تجربہ کیا گیا ہے، جس کے ردعمل میں صدر ٹرمپ کا کہنا تھا کہ کم جونگ ان سے اچھے تعلقات ہیں۔

غیر ملکی خبر رساں ادارے کے مطابق شمالی کوریائی لیڈر کم جونگ ان کے کہنے پر ملکی سالمیت اور دفاعی نظام کو مضبوط بنانے کے لیے مزید جدید طرز کے میزائل کا مشاہدہ کیا جاسکتا ہے۔

امریکی صدر کا سماجی رابطے کی ویب سائٹ ٹوئٹر پر کہنا تھا کہ شمالی کوریا کے ساتھ معاہدہ ضرور ہوگا، مجھے یہ بھی امید ہے کہ کم جونگ اپنے دعوے کی خلاف ورزی نہیں کریں گے۔

عالمی ماہرین کا کہنا ہے کہ شمالی کوریا کی جانب سے میزائل تجربہ امریکا پر جوہری مذاکرات کو آگے بڑھانے کے لیے دباؤ ڈالنے کی ایک کوشش ہے۔

واضح رہے کہ گذشتہ ماہ شمالی کوریا نے کہا تھا کہ اس نے اپنے ٹیکٹیکل گائیڈڈ ہتھیاروں کا تجربہ کیا تھا۔ اور یہ ہنوئی سربراہی ملاقات کے بعد پہلا تجربہ تھا۔

علاوہ ازیں شمالی کوریا امریکا کو پہلے ہی خبردار کرچکا ہے کہ اگر ٹرمپ انتظامیہ سال کے آخر تک تعلقات اور مذاکرات کے حوالے سے فیصلہ نہیں کرتی تو شمالی کوریا اپنے فیصلے میں آزاد ہوگا۔

یاد رہے کہ گذشتہ ماہ ڈونلڈ ٹرمپ اور کم جونگ ان کی آٹھ ماہ بعد ملاقات ہوئی اور دونوں ملکوں کے سربراہان نے مذاکرات بغیر کسی معاہدے کے ختم کردیے تھے۔ بعد ازاں جنوبی کوریا نے اس پر تشویش اور مایوسی کا اظہار کیا تھا۔

یہ بھی پڑھیں

نائب افغان صدر کے قافلے پر بم حملہ ہوا جس کے نتیجے میں 10 افراد ہلاک

نائب افغان صدر کے قافلے پر بم حملہ ہوا جس کے نتیجے میں 10 افراد ہلاک

کابل: آج صبح افغانستان کے دارالحکومت کابل میں سڑک کنارے بم دھماکے کے نتیجے میں …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے