سعودی شہریوں سے سری لنکا میں نقاب پر پابندی کے فیصلے کا احترام کرنے کی اپیل

سعودی شہریوں سے سری لنکا میں نقاب پر پابندی کے فیصلے کا احترام کرنے کی اپیل

کولمبو: سری لنکا میں سعودی سفارت خانے نے ایک بیان جاری کیا ہے جس میں کہا گیا ہے کہ سری لنکن حکام کی جانب سے نقاب پر پابندی کے فیصلے کا احترام کیا جائے۔

عرب میڈیا کے مطابق کولمبو میں سعودی سفارت خانے کی جانب سے ٹویٹر پیغا میں کہا گیا ہے کہ دوست ملک سری لنکا میں ہنگامی حالات کے پیش نظر سری لنکا میں سعودی سفارت خانہ سعودی شہریوں کو ان اقدامات کے حوالے سے متنبہ کرنا چاہتا ہے جو سری لنکن حکام نے حال ہی میں اٹھائے ہیں۔

ٹویٹ میں لکھا گیا کہ حال ہی میں افسوس ناک دہشت گرد حملوں کے بعد ایمرجنسی کے قانون کے تحت 29 اپریل کے دن چہرے کو ڈھانپنے پر پابندی ہوگی تاکہ شناخت ظاہر ہوسکے، شہری سری لنکا کا دورہ کرتے ہوئے وہاں کے نظام اور قوانین کی پاسداری کریں۔

واضح رہے کہ سری لنکا میں ایسٹر کے روز ہلاکت خیز دھماکوں کے بعد پیدا ہونے والی صورت حال سے نمٹنے کی کوششوں میں خواتین کے برقعہ پہننے پر پابندی لگادی گئی ہے۔

برقع پر پابندی ایسٹر پر ہونے والے خودکش حملوں کے ایک ہفتے بعد لگائی گئی تھی، اس حملے میں 250 سے زائد افراد ہلاک ہوئے تھے۔

سری لنکن حکام کا کہنا ہے کہ اس اقدام سے سیکیورٹی فورسز کو لوگوں کی شناخت میں مدد ملے گی، سیکیورٹی اہلکار دھماکوں کے ذمہ داروں کی تلاش مسلسل جاری رکھے ہوئے ہیں۔

رپورٹ کے مطابق اسلامی اسکالرز کی اعلیٰ ترین تنظیم نے سیکیورٹی خدشات کی بنا پر قلیل عرصے کے لیے اس اقدام کی حمایت کی ہے۔

یورپ، انسٹیکس میکنزم کے تحت ایران سے تجارت پرآمادہ

یہ بھی پڑھیں

یو پی کے ہندو انتہا پسند وزیراعلیٰ کا ’آگرہ‘ کا نام بھی تبدیل کرنے کا فیصلہ

یو پی کے ہندو انتہا پسند وزیراعلیٰ کا ’آگرہ‘ کا نام بھی تبدیل کرنے کا فیصلہ

بھارتی کی ہندو انتہا پسند حکمران جماعت بھارتیہ جنتا پارٹی (بی جے پی) کے انتہا …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے