عالمی رہنماؤں کی سری لنکا دھماکوں کی شدید مذمت

عالمی رہنماؤں کی سری لنکا دھماکوں کی شدید مذمت

پاکستان سمیت عالمی برادری نے ایسٹر پر سری لنکا میں گرجا گھروں اور ہوٹلوں پر دھماکوں کی سخت مذمت کرتے ہوئے قیمتی جانوں کے نقصان پر گہرے دکھ اور افسوس کا اظہار کیا ہے۔

امریکی صدر ٹرمپ نے کہا کہ امریکا سری لنکا کے ساتھ بھرپور ہمدردی رکھتا ہے اورسری لنکا کی معاونت کے لیے تیار ہے جب کہ مسیحیوں کے پیشوا پوپ فرانسِس نے دھماکوں کی مذمت کرتے ہوئے کہا کہ ایسٹر کا دن آج سوگ اور تکلیف لے کر آیا ہے۔

روسی صدر پیوٹن نے دھماکوں کو ظلم اور ترک صدر طیب اردوان نے دھماکوں کو انسانیت پر حملہ قرار دیا۔

ادھر وزیراعظم عمران خان نے ایک ٹویٹ میں کہا کہ ان کی ہمدردی سری لنکن بھائیوں کے ساتھ ہے، پاکستان اس دکھ کی گھڑی میں مکمل اظہار یکجہتی کے ساتھ سری لنکا کے ساتھ کھڑا ہے۔

وزیر خارجہ شاہ محمود قریشی نے سری لنکن وزیراعظم سے رابطہ کیا اور دہشت گرد واقعے کی مذمت کی، ساتھ ہی انہیں ہر قسم کے تعاون کی یقین دہانی بھی کرائی ۔

ترجمان دفتر خارجہ کے مطابق زخمیوں میں 3 خواتین ماہین، مزنہ ہمایوں، عاتکہ اور ایک بچہ عاطف شامل ہیں جنہیں طبی امداد کے بعد اسپتال سے ڈسچارج کر دیا گیا ہے۔

واضح رہے کہ اتوار کی صبح سری لنکا کے دارالحکومت میں گرجا گھروں اور ہوٹلوں پر یکے بعد دیگرے دھماکوں میں 200 سے زائد افراد ہلاک اور درجنوں زخمی ہوگئے تھے۔

سوڈان میں سیاسی ومعاشی بحران، سعودی عرب اور یو اے ای کا امداد کا اعلان

یہ بھی پڑھیں

برطانوی شاہی خاندان کی تین خواتین امید سے

برطانوی شاہی خاندان کی تین خواتین امید سے

برطانوی شاہی خاندان کی دونوں شہزادوں کہ اہلیہ امید سے ہیں اور جلد شاہی خاندان …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے