پریانکا اور نک جونس کی طلاق کی خبروں پر اداکارہ کا ردعمل

پریانکا اور نک جونس کی طلاق کی خبروں پر اداکارہ کا ردعمل

گزشتہ برس شادی کرنے والی مقبول جوڑی بالی وڈ اداکارہ پریانکا چوپڑا اور امریکی گلوکار نک جونس نے ان دنوں اپنی طلاق کی خبروں پر خاموشی اختیار کی ہوئی ہے جب کہ اداکارہ نے جونس فیملی کے ساتھ محبت بھرے لمحات کی تصاویر شیئر کر کے یہ تاثر دیا ہے کہ طلاق کی خبریں جھوٹی ہیں۔

گزشتہ روز ایک برطانوی میگزین نے اپنی رپورٹ میں دعویٰ کیا کہ نک جونس اداکارہ پریانکا سے شادی ختم کرنے کے لیے عدالت میں طلاق کی درخواست دائر کرچکے ہیں جس کی وجہ دونوں کے درمیان ذاتی اختلافات ہیں۔

رپورٹ میں بتایا گیا تھا کہ اداکارہ اپنے پروفیشن کی وجہ سے نک جونس کو وقت نہیں دے رہیں ساتھ ہی نک جونس کے اہل خانہ بھی ان سے ناخوش ہیں یہی وجہ ہے کہ انہوں نے پریانکا سے علیحدہ ہونے کا فیصلہ کرلیا ہے۔

رپورٹ میں بتایا گیا کہ نک جونس کا کہنا ہے کہ شادی سے قبل اداکارہ کافی نرم مزاج اور سمجھنے والی شخصیت کی مالک تھیں لیکن شادی کے بعد ان کی کچھ عادتیں سامنے آئی ہیں جو ساتھ زندگی گزارنے میں مشکل کا باعث ہیں۔

رپورٹ کے مطابق نک جونس نے پریانکا سے شادی اس لیے کی تھی کیونکہ وہ ان سے عمر میں 10 برس بڑی تھیں لیکن شادی کے بعد پتہ چلا کے وہ ایک ’پارٹی گرل‘ ہیں جن کی ذہنیت 21 برس کی ہے۔

دوسری جانب پریانکا اور نک جونس نے طلاق کی خبر پر خاموشی اختیار کر رکھی ہے حالانکہ دونوں کے سوشل میڈیا اکاؤنٹ انسٹاگرام پر ایک دوسرے کے ساتھ اور اداکارہ کی جونس فیملی کے ہمراہ خوشگوار تصاویر شیئر کرنے کا سلسلہ جاری ہے۔

آج بھی اداکارہ نے نک جونس سمیت ان کے بھائیوں کے ساتھ چند خوشگورا تصاویر شیئر کی ہیں جس میں انہوں نے بتایا کہ وہ جونس برادرز پر فخر محسوس کرتی ہیں۔

ان کی اس پوسٹ سے یہ تاثر ملتا ہے کہ وہ طلاق کی خبروں کی تردید کرتی ہیں اور ان میں کوئی صداقت نہیں۔

واضح رہے گزشتہ برس دسمبر کے اوائل میں دونوں شخصیات کی شادی ہندو اور عیسائی مذہبی رسومات کے مطابق انجام پائی تھی جسے گزشتہ سال کی دوسری مقبول شادی قرار دیا گیا تھا۔

نازیہ حسن مشرقی اور مغربی موسیقی کے امتزاج

یہ بھی پڑھیں

حمزہ علی عباسی

‘نہیں معلوم تھا کہ میں اپنے مستقبل کے ساتھ کھڑی ہوں’

اداکار حمزہ علی عباسی کی اہلیہ نیمل خاور خان نے سوشل میڈیا پر شادی سے …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے