سعودی ولی عہد محمد بن سلمان نے پہلے “ہاک” تربیتی طیارے کا افتتاح کردیا

سعودی ولی عہد محمد بن سلمان نے پہلے “ہاک” تربیتی طیارے کا افتتاح کردیا

ریاض : سعودی ولی عہد محمد بن سلمان نے سعودی عرب اسمبل کئے جانے والے پہلے  تربیتی ہاک جیٹ طیارے کا  افتتاح کردیا اور پیغام میں کہا اللہ کے نام سے سب سے مقدس زمین پر پرواز کریں۔

تفصیلات کے مطابق سعودی عرب میں تربیتی ہاک جیٹ طیاروں کی اسمبلنگ شروع کردی ، سعودی ولی عہد محمد بن سلمان نے پہلے جہاز کا افتتاح کیا،  جہاز کے بیشتر پرزے سعودی عرب میں تیار ہوئے۔

کنگ عبدالعزیز ائیر بیس پر منعقدہ تقریب میں محمد بن سلمان نے جہاز کی پہلی پرواز کا جائزہ لیا، پہلے جہاز پر اپنے دستخط بھی کیے جبکہ ریڈیو ٹرانسمیشن کے ذریعے ٹیک آف کی اجازت دی۔

رپورٹ کے مطابق جہاز بنانے کے عمل میں ستر فیصد افرادی قوت نوجوان سعودی ہیں ،ائیر بیس پر 22تربیتی ہاک جیٹ طیارے بنائے جائیں گے ،  اس پیش رفت کا مقصد مملکت میں حربی صنعت کو فروغ دینا، قومی معیشت کو سپورٹ کرنا اور روزگار کے مواقع پیدا کرنا ہے۔

یہ سعودی ویژن 2030 پروگرام کے اہم ترین اہداف میں شامل ہے۔

سعودی ولی عہد محمد بن سلمان نے اپنے پیغام میں کہاکہ اللہ کے نام سے سب سے مقدس زمین پر پرواز کریں۔

یہ بھی پڑھیں

افغان صدر پر چیف ایگزیکٹیو کا الزام

افغان صدر پر چیف ایگزیکٹیو کا الزام

افغانستان کے چیف ایگزیکٹیوعبداللہ عبداللہ نے صدر اشرف غنی پر انتخابی مہم کے دوران سرکاری …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے