باپ اور ننھی بیٹی کی محبت ماں سے برداشت نہیں ہوئی، بیٹی کو قتل کردیا

باپ اور ننھی بیٹی کی محبت ماں سے برداشت نہیں ہوئی، بیٹی کو قتل کردیا

کیو: یوکرین میں 21 سالہ ماں تین ہفتے کی بیٹی اور شوہر کی محبت برداشت نہ کرسکی اور معصوم بچی کو چھریوں کے پے درپے وار کرکے قتل کردیا۔

ڈیلی میل کی رپورٹ کے مطابق 21 سالہ یوکرینی ماں نے تین ہفتے کی معصوم بیٹی کو اس کے لیے قتل کردیا کہ اس کا شوہر اس سے زیادہ زیادہ بیٹی سے محبت کرنے لگا تھا۔

انتظامیہ کی جانب سے خاتون کا نام نہیں دیا گیا ہے، رپورٹ کے مطابق 21 سالہ خاتون نے بیٹی کو اس وقت چھریوں کے پے درپے وار کرکے قتل کردیا جب شوہر چند منٹ کے لیے گھر سے باہر کچرا پھینکنے کے لیے گیا تھا۔

شوہر کا کہنا ہے کہ جب میں واپس آیا تھا تو دیکھا کہ بیوی کے ہاتھ خون سے رنگے ہوئے تھے، دوسرے کمرے میں جاکر بیٹی کو دیکھا تو وہ نہیں ملی جب واش روم گیا تو پول میں بیٹی مردہ حالت میں پائی گئی۔

ننھی بچی کے باپ نے فورا ایمرجنسی سروس میں کال کی، معصوم بچی کی دادی کا کہنا ہے کہ میری بہو بیٹے کی جانب سے معصوم بچی کو زیادہ پیار کرنے پر خفا تھی اس لیے اس نے انتہائی اقدام اُٹھایا۔

انہوں نے کہا کہ میرا بیٹا بچوں سے بہت پیار کرتا ہے وہ اپنی ساری توجہ اور پیار بیٹی پر نچھاور کرتا تھا۔

ماریا موموٹ نے کہا کہ مجھے یقین نہیں آرہا ہے کہ ہم پر کیا بیت چکی ہے۔

ایمرجنسی سروس کے مطابق جب ہم گھر پہنچے تو بیوی کو اپنے شوہر سے یہ کہتے ہوئے سنا کہ تم رو کیوں رہے ہو۔

پولیس نے خاتون کو گرفتار کرکے آلہ قتل برآمد کرلیا، خاتون کو کچھ یاد نہیں ہے کہ اس نے بیٹی کو قتل کردیا ہے، رپورٹ کے مطابق خاتون گزشتہ سال نومبر میں نفسیاتی مرض میں مبتلا ہونے کے سبب اسپتال میں زیر علاج رہ چکی ہے۔

پولیس رپورٹ کے مطابق خاتون کو عدالت میں پیش کیا جائے گا اگر اس پر جرم ثابت ہوتا ہے تو اسے 15 برس قید کی سزا بھگتنا ہوگی۔

یہ بھی پڑھیں

انتخابات, میں دوسرے, مرحلے کیلئے, ووٹنگ جاری

انتخابات میں دوسرے مرحلے کیلئے ووٹنگ جاری

نئی دہلی: بھارت میں لوک سبھا کے انتخابات میں دوسرے مرحلے کیلئے ووٹنگ جاری ہے۔ …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے