ایل این جی, کیس, کے تمام, شواہد پیش

ایل این جی کیس کے تمام شواہد پیش

اسلام آباد: نیب نے شیخ رشید کو 27 فروری کو طلب کیا تھا تاہم انہوں نے بیرون ملک ہونے کے باعث آئندہ تاریخ دینے کی درخواست کی تھی جس کے بعد انہیں دوبارہ طلبی کا نوٹس جاری کیا گیا تھا

شیخ رشید کو نیب نے بطور شکایت کنندہ طلب کیا تھا، جبکہ انہوں نے نیب میں پیش ہوکر ایل این جی اسکینڈل کے حوالے سے سابق وزیر اعظم شاہد خاقان عباسی کے خلاف تمام شواہد پیش کرنے کا اعلان پہلے ہی کر رکھا تھا۔
وزیر ریلوے نے نیب آفس کے باہر میڈیا سے گفتگو کرتے بتایا کہ ’اس وقت اپوزیشن میں تھا اج وزیر ہوں، جو ثبوت سپریم کورٹ میں دیئے تھے آج نیب کو دیئے ہیں‘۔
ان کا کہنا تھا کہ ’ٹرمینل ون کا ٹھیکہ جو دیا 2 لاکھ 72 ہزار روپے فی دن دیا گیا، دوسرا ٹھیکہ اقبال زیڈ احمد کو مہنگے داموں دیا گیا‘۔
انہوں نے بتایا کہ ’13 عشاریہ 37 فیصد سلیب پر ایک ٹھیکہ دیا دوسرا 11 عشاریہ 62 پر دیا گیا‘۔
’شاہد خاقان عباسی کو پہلے چیلنج دیا تھا، اب نیب کو تمام شواہد دے دیے ہیں‘۔
ان کا کہنا تھا کہ ’ان چوروں نے بری طرح سے لوٹا جس پر پی ٹی آئی کو بہت محنت کرنا پڑ رہی ہے‘۔
انہوں نے کہا کہ ’بلاول مجھ پر تنقید کر رہا ہے، کسی روز وہ کپڑے پھاڑ کر تھانہ چلا جائے گا‘۔ انہوں نے الزام لگایا کہ ’بلاول بھارت کی زبان بول رہا ہے‘۔
انہوں نے مزید کہا کہ ’کرپٹ لوگوں کے خلاف جو جھاڑو مارچ میں پھرنا تھا وہ اب مئی یا جون میں پھرے گا اور یہ سارے چور پکڑے جائیں گے‘۔

یہ بھی پڑھیں

بریفنگ, دفتر خارجہ, کے, بجائے پارلیمنٹ میں, دی جائے

بریفنگ دفتر خارجہ کے بجائے پارلیمنٹ میں دی جائے

اسلام آباد: پاکستان پیپلزپارٹی خورشید شاہ کا کہنا تھا کہ بریفنگ دفتر خارجہ کے بجائے …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے