سعودی وزراء کی تنخواہوں میں20فیصدکمی کااعلان

تیل کی گرتی ہوئی قیمتوں اور مالی مشکلات میں اضافے کے پیش نظر سعودی حکومت نے اپنے وزراءاور شوریٰ ارکان کی تنخواہوں میں کمی کا اعلان کیا ہے۔

سعودی فرمانروا شاہ سلمان بن عبدالعزیز کے شاہی فرمان کے مطابق سعودی وزراء کی تنخواہوں میں20 فیصد اور شوریٰ ارکان کی تنخواہوں میں 15فیصد کے اعلان کے علاوہ سرکاری ملازمین کے بونسز اور دیگر مراعات بھی ختم کردی گئی ہیں۔

شاہی فرمان میں کہا گیا ہےکہ سعودی حکومت نے یہ فیصلہ عالمی مارکیٹ میں تیل کی گرتی ہوئی قیمتوں کے پیش نظر کیا ہے۔

یاد رہے کہ 2015 کے دوران تیل کی کم ہوتی ہوئی قیمتیں سعودی عرب کے بجٹ میں 100 ارب ڈالر کے خسارے کا باعث بنی تھیں جبکہ رواں سال میں متوقع خسارہ 87 ارب ڈالر ہے۔

واضح رہے کہ تیل کی اہم برآمدات پر انحصار کو محدود کرنے کی کوششوں کے باوجود 2015 میں ریاست کی آمدنی کا 70 فیصد سے زیادہ انحصار تیل ہی پر تھا۔

یہ بھی پڑھیں

ماسکو امریکا کی جانب سے وینزویلا, اور کیوبا پر, عائد پابندیوں کو, غیر قانونی, شمار کرتا ہے

ماسکو امریکا کی جانب سے وینزویلا اور کیوبا پر عائد پابندیوں کو غیر قانونی شمار کرتا ہے

ماسکو: امریکی قومی سلامتی کے مشیر جان بولٹن نے جمعرات کے روز میامی میں اپنے …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے