صدر غزالی عثمان, پر, قاتلانہ حملہ, کیا گیا ہے

صدر غزالی عثمان پر قاتلانہ حملہ کیا گیا ہے

مورونی: افریقی ملک کوموروس کے عبوری صدر غزالی عثمان کی انتخابی مہم کے انچارج نے بتایا کہ یہ واقعہ اس وقت پیش آیا جب صدر عثمان 24 مارچ کو ہونے والے صدارتی انتخابات کے لیے ایک جلسے سے خطاب کر رہے تھے

صدر غزالی عثمان کی انتخابی مہم کے نگران نے بتایا کہ پہاڑی علاقے کی چوٹی پر کسی نے دھماکہ خیز مواد رکھ دیا تھا۔ جب صدرکا قافلہ اس علاقے سے گزرنے لگا تو وہ دھماکہ خیز مواد پھٹ گیا جس کے نتیجے میں پتھر لڑھک گئے تاہم اس حملے میں صدر غزالی عثمان محفوظ رہے۔
انہوں نے کہا کہ صدر کی گاڑی مناسب وقت پر رک گئی۔ صدر کے محافظوں نے بتایا کہ انہیں پہلے تو ایسا لگا کہ کسی نے میزائل حملہ کر دیا ہے۔
دوسری جانب اپوزیشن نے کہا کہ صدر غزالی عثمان پر حملے کا واقعہ جزیرہ انجوان میں پیش آیا، تاہم صدر کو کوئی جانی نقصان نہیں ہوا اور وہ مکمل طور پر محفوظ ہیں۔
کوموروس میں گزشتہ برس 30 جولائی کو ہونے والے ایک ریفرنڈم کے بعد حالات کشیدہ ہیں۔
اس ریفرنڈم میں آئندہ مسلسل دو مرتبہ غزالی عثمان کو ملک کا صدر منتخب کرنے اور 2029 تک اقتدار پر فائز رہنے کی حمایت کی گئی تھی۔

یہ بھی پڑھیں

لندن کے گریٹ آرمنڈ اسپتال میں کامیاب آپریشن

لندن کے گریٹ آرمنڈ اسپتال میں کامیاب آپریشن

لندن: اس آپریشن کی سیریز میں مجموعی طور پر 55 گھنٹے کا دورانیہ صرف ہوا …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے