بھارت، کراچی بیکری پر حملہ کرنے والے 9 ملزمان گرفتار

بھارت، کراچی بیکری پر حملہ کرنے والے 9 ملزمان گرفتار

بنگلور: بھارت کے شہر بنگلور میں واقع کراچی بیکری پر حملہ کرنے اور عملے کو ہراساں کرنے والے 9 ملزمان کو گرفتار کرلیا گیا۔

غیرملکی خبررساں ادارے کے مطابق بھارتی شہر بنگلور میں کراچی بیکری کے نام سے قائم بیکری سے کراچی کا نام ہٹانے پر مجبور کرنے کے لیے عملے کو ہراساں کیا گیا تھا جس پر پولیس نے کارروائی کرتے ہوئے 9 ہندو انتہا پسندوں کو گرفتار کرلیا ہے۔

گزشتہ روز بیکری مالکان کی جانب سے پولیس کو فوری اطلاع دی گئی تھی لیکن ملزمان فرار ہوگئے تھے تاہم پولیس نے انہیں سی سی ٹی وی فوٹیج کی مدد سے گرفتار کیا۔

پولیس کے مطابق گرفتار افراد قریبی علاقوں کے رہائشی معلوم ہوتے ہیں جن کی شناخت سری یاپا، لکشمن، سنجے، نوین، بابا جی، سری ہری، پراوین، شو کمار اور گنا شیکھر کے ناموں سے ہوئی ہے۔

گرفتار 9 افراد میں سے 7 نے سماجی تنظیم سے وابستہ ہونے کا دعویٰ کیا لیکن وہ کسی بھی سماجی تنظیم کے رکن نہیں ہیں۔

پولیس نے مشتبہ افراد کو قانون ہاتھ میں لینے اور انتشار پھیلانے کا ذمہ دار قرار دیا جبکہ واقعے میں دیگر افراد کے ملوث ہونے سے متعلق تحقیقات جاری ہیں۔

کراچی بیکری کے منیجر نے میڈیا سے گفتگو کرتے ہوئے کہا کہ مشتعل ہجوم نے تقریباً آدھے گھنٹے تک دکان کے عملے کو ہراساں کیا اور کراچی نام ہٹانے کا مطالبہ کیا جس پر بیکری سے کراچی کا نام ہٹا دیا گیا تھا۔

ڈھاکا سے دبئی جانے والے بنگلا دیشی طیارے کو ہائی جیک کرنے کی کوشش

یہ بھی پڑھیں

برطانوی تیل بردار جہاز کو عالمی قوانین کی خلاف کرنے کے الزام میں قبضے میں لے لیا

برطانوی تیل بردار جہاز کو عالمی قوانین کی خلاف کرنے کے الزام میں قبضے میں لے لیا

تہران: ایرانی رضاکار فورس بیسج (سپاہ پاسداران انقلاب اسلامی) کے شعبہ تعلقات عامہ کی جانب …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے