امریکہ کا برطانیہ، فرانس اور جرمنی کو انتباہ

امریکہ کا برطانیہ، فرانس اور جرمنی کو انتباہ

امریکہ نے کہا ہے کہ اگر یورپی ممالک نے ایران سے رابطہ رکھا تو خلیج بڑھے گی۔

فرانسیسی خبر رساں ادارے اے ایف پی کے مطابق نائب امریکی صدر مائیک پینس نے برطانیہ، فرانس اور جرمنی کو ایران کے ساتھ اقتصادی تعلقات قائم رکھنے پر خبردار کرتے ہوئے کہا کہ کمزور اقتصادی اقدامات سے ایران مستحکم اور یورپی یونین کے ممالک کمزور ہوں گے۔

انہوں نے خبردار کیا کہ امریکی اقتصادی پابندیوں کی زد میں آئے ایران کے ساتھ اقتصادی رابطے سے واشنگٹن اور یورپی ممالک کے تعلقات میں خلا وسیع ہوگا۔

مائیک پینس نے کہا کہ وقت آچکا ہے کہ یورپی پارٹنرز، ایران کے ساتھ جوہری معاہدے سے دستبردار ہو کر ہمارے ساتھ کھڑے ہوجائیں ۔

خیال رہے کہ گزشتہ برس مئی میں امریکی صدر ڈونلڈ ٹرمپ نے جوہری معاہدے سے دستبردار ہونے کا اعلان کیا تھا۔ امریکی صدر ڈونلڈ ٹرمپ کے اعلان کے بعد ایرانی صدر حسن روحانی نے اپنے خطاب میں کہا تھا کہ ایران بغیر کسی حد کے یورینیم افزودگی کو دوبارہ شروع کرسکتا ہے۔

سپاہ پاسداران انقلاب اسلامی کے کمانڈر انچیف کا تعزیتی پیغام

یہ بھی پڑھیں

لندن کے گریٹ آرمنڈ اسپتال میں کامیاب آپریشن

لندن کے گریٹ آرمنڈ اسپتال میں کامیاب آپریشن

لندن: اس آپریشن کی سیریز میں مجموعی طور پر 55 گھنٹے کا دورانیہ صرف ہوا …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے