لندن، میگھن مرکل کو ہراساں کیے جانے کا انکشاف

لندن، میگھن مرکل کو ہراساں کیے جانے کا انکشاف

لندن: برطانوی شہزادہ ہیری کی اہلیہ اداکارہ میگھن مرکل کو ہراساں کیے جانے کا انکشاف سامنے آیا ہے۔

غیرملکی خبررساں ادارے کے مطابق ہالی ووڈ اداکار جارج کلونی نے ایک اںٹرویو کے دوران انکشاف کیا ہے کہ شہزادہ ہیری کی اہلیہ میگھن مرکل کو شہزادی ڈیانا کی طرح ہراساں کیا جارہا ہے۔

جارج کلونی کا کہنا تھا کہ میگھن مرکل کو میڈیا کی جانب سے بالکل اسی طرح ہراساں کیا جارہا ہے جیسا کہ آنجہانی شہزادی ڈیانا کو کیا گیا تھا۔

انہوں نے کہا کہ تاریخ خود کو دہرا رہی ہے کیونکہ جلد ماں بننے والی میگھن مرکل میں میڈیا کی دلچسپی بہت بڑھ رہی ہے۔

جارج کالونی نے کہا کہ میڈیا نمائندے ہر جگہ میگھن مرکل کا تعاقب کرتے نظر آتے ہیں، وہ ایک خاتون ہیں اور 7 ماہ کی حاملہ ہیں ان کا تعاقب ڈیانا کی طرح کیا جارہا ہے ہم دیکھ چکے ہیں اس کا اختتام کس طرح ہوا تھا۔

یاد رہے کہ شہزادہ ہیری کی والدہ آنجہانی شہزادہ ڈیانا 1997 میں پیرس میں ایک گاڑی کے حادثے میں اس وقت ہلاک ہوگئی تھیں جب ان کا پیچھا موٹر سائیکل پر سوار فوٹو گرافر کی جانب سے کیا جارہا تھا۔

برطانوی میڈیا کی جانب سے شہزادہ ہیری اور میگھن مرکل کو ان کی شادی کے دن سے ہی کوریج دی جارہی ہے، میگھن مرکل کا آسٹریلیا کا دورہ لے لیں یا وہ کسی اسٹور سے ضروری اشیاء خرید رہی ہوں میڈیا ان کا تعاقب کرتے نظر آتا ہے۔

ہالی ووڈ اداکار جارج کلونی اور ان کی اہلیہ امل کلونی شہزادہ ہیری اور میگھن مرکل کے قریبی دوستوں میں شمار ہوتے ہیں انہوں نے ان کی شادی میں بھی شرکت کی تھی۔

اسرائیل کے خلاف بیان دینے پر امریکی رکن کانگریس سے استعفے کا مطالبہ

یہ بھی پڑھیں

امریکہ میں فائرنگ کے واقعات، 43 افراد ہلاک و زخمی

امریکہ میں فائرنگ کے واقعات، 43 افراد ہلاک و زخمی

امریکہ میں فائرنگ کے تازہ واقعات میں کم سے کم تینتالیس افراد ہلاک و زخمی …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے