پاکستان کی سالمیت کیخلاف ناپاک عزائم کا بھرپور جواب دیا جائے گا، سربراہ پاک فوج

راولپنڈی: پاک فوج کے سربراہ جنرل راحیل شریف نے کہا ہے کہ ملکی سالمیت اورخودمختاری کے خلاف ناپاک عزائم کا بھرپور جواب دیا جائے گا۔

آئی ایس پی آر کی جانب سے جاری بیان کے مطابق جنرل ہیڈ کوارٹرز راولپنڈی میں آرمی چیف جنرل راحیل شریف کی زیر صدارت کورکمانڈر کانفرنس ہوئی، جس میں  اندرونی وبیرونی سیکیورٹی صورتحال اور فوج کی آپریشنل تیاریوں کا جائزہ بھی لیا گیا۔

کور کمانڈر کانفرنس کے دوران بھارت کے پاکستان کے خلاف جارحانہ بیانات اور پاکستان مخالف پروپیگنڈے پر بھی غور کیا گیا۔ اس موقع پر اعلیٰ عسکری قیادت کی جانب سے آپریشن ضرب عضب کی کامیابیاں اورمسلح افواج کی قربانیوں کوخراج تحسین پیش کیا گیا۔

آرمی چیف جنرل راحیل شریف نے پاکستان کے خلاف بھارتی پروپیگنڈے کا نوٹس لیتے ہوئے کہا کہ وہ مکمل طور پر باخبر ہیں اور خطے کی تازہ صورتحال کو قریب سے دیکھ رہے ہیں، پاک فوج خطے کے بالواسطہ اور بلاواسطہ خطروں سے نمٹنے کے لئے بھرپور تیار ہے۔ ان کا کہنا تھا کہ ملکی سالمیت اورخودمختاری کے خلاف ناپاک عزائم کا بھرپور جواب دیا جائے گا۔

یہ بھی پڑھیں

پارلیمانی, نظام میں بہت, سمجھوتے کرنا, پڑتے ہیں

پارلیمانی نظام میں بہت سمجھوتے کرنا پڑتے ہیں

اسلام آباد: مؤثر حکومت کے لیے اہل لوگوں کو حکومت میں شامل کرنے کا اختیار …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے