نوٹ سیون تبدیل کر لیں یا استعمال نہ کریں

دنیا میں سب سے زیادہ فون بنانے والی کمپنی سام سنگ نے ایک بیان میں کہا: ’ہماری صارفین کا تحفظ ہماری اولین ترجیحات ہیں۔

’گلیکسی نوٹ 7 کے تمام صارفین سے استدعا ہے کہ وہ متبادل ملنے تک اپنے فون کو بند رکھیں اور جہاں سے اسے خریدا ہے فورا وہاں جاکر اسے واپس کر دیں۔‘

سنیچر کو متحدہ عرب امارات کی ایئرلائنز امارات اور اتحاد دونوں نے اپنے طیاروں پر اس فون کے استعمال کی ممانعت کر دی ہے۔

سنگاپور ایئرلائنز، قینٹاس اور ورجن آسٹریلیا میں اسی طرح کی پابندی عائد ہے۔

امریکی ٹی وی چینل فوکس 10 کی ایک رپورٹ میں دعوی کیا گیا تھا کہ گیلیکسی نوٹ سیون کے سبب ایک شخص کی جیپ میں آگ لگ گئي تھی۔

سام سنگ نے کہا ہے آگ کا سبب بیٹری میں کوئی خرابی ہے لیکن یہ پتہ چلانا بہت مشکل ہے کہ فروخت ہونے والے کن فونز کی بیٹریوں میں خرابی ہے۔

یہ فون گذشتہ ماہ لانچ کیا گیا تھا اور لوگوں نے اسے ہاتھوں ہاتھ لیا تھا۔

جبکہ امریکی حکام نے اس سے قبل فضائی مسافروں کو تنبیہ کی ہے کہ سام سنگ کا نیا موبائل فون گلیکسی نوٹ سیون نہ تو دورانِ پرواز چارج کیا جائے اور نہ ہی اُسے آن کیا جائے۔

جنوبی کوریا کی کمپنی نے کہا کہ وہ 19 ستمبر کے بعد فروخت ہونے والے تمام فونز کے بدلے میں دوسرے فون فراہم کرے گا۔

 

یہ بھی پڑھیں

ایسا بلڈ ٹیسٹ تیار کیا ہے جو اگلے 10 برسوں میں کسی فرد کی موت کے امکانات کی پیشگوئی کرسکے گا

ایسا بلڈ ٹیسٹ تیار کیا ہے جو اگلے 10 برسوں میں کسی فرد کی موت کے امکانات کی پیشگوئی کرسکے گا

ان بائیو میکر پر کیے جانے والے تجربات کے دوران 2 سے 16 برسوں کے …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے