,کراچی, کا, نوجوان, 13 برس, سے ,بھارت ,میں, قید، والدہ, کی, حکومت ,سے ,مدد ,کی, اپیل

کراچی کا نوجوان 13 برس سے بھارت میں قید، والدہ کی حکومت سے مدد کی اپیل

کراچی : نارتھ ناظم آباد کا رہائشی محمد فہد گزشتہ 13 برس سے بھارت کی قید میں ہے، والدہ کے مطابق فہد اپنی دادی کی خواہش پر ان سے ملنے جنوبی بھارت گیا ۔

کراچی کے علاقے نارتھ ناظم آباد کا رہائشی محمد فہد گزشتہ 13 برس سے بھارت کی قید میں ہے، والدہ کے مطابق فہد اپنی دادی کی خواہش پر ان سے ملنے جنوبی بھارت گیا جہاں اُس پر مختلف مقدمات قائم کردیئے گئے جبکہ حکومت کی جانب سے بھی ان کے بیٹے کی رہائی کے لیے سنجیدہ اقدامات نہیں کیے گئے۔

بھارتی قید میں موجود محمد فہد کی والدہ زبیدہ خانم نے  بتایا کہ ان کا بیٹا فروری 2006 میں اپنی دادی سے ملنے جنوبی بھارت کے علاقے کیلیکٹ گیا، جہاں سے بھارتی فورسز نے اسے اپنی حراست میں لے لیا۔

ملک میں ایل این جی لانا جرم ہے تو میں سزا کیلئے تیار ہوں: شاہد خاقان عباسی

والدہ کے مطابق فہد پر دہشت گردی سمیت مختلف الزامات لگائے گئے، جو وقتاً فوقتاً غلط ثابت ہوتے گئے اور اب اُس پر صرف ایک مقدمہ بچا ہے لیکن جس پولیس اہلکار نے مقدمہ درج کروایا، وہ اس کی پیشی پر ہی نہیں آ رہا۔

فہد کی والدہ کے مطابق وہ حکومت سمیت ہر فورم پر التجا کرچکی ہیں کہ ان کے بیٹے کو بھارت کی قید سے آزاد کروایا جائے لیکن تاحال اس کی کسی نے مدد نہیں کی۔

زبیدہ خانم نے حکومت پاکستان سے اپیل کی ہے کہ ان کی زندگی میں ہی ان کے بیٹے کو بھارت کی قید سے رہا کروایا جائے تاکہ وہ اس کی شکل دیکھ سکیں۔

فہد کی والدہ کا مزید کہنا تھا کہ اس سال 25 فروری کو فہد کو بھارت کی قید میں 13 سال ہوجائیں گے۔

یہ بھی پڑھیں

ہمارے, مطالبات, مان لیے گئے تو, ہم حکومت, کے ساتھ, چلیں گے

ہمارے مطالبات مان لیے گئے تو ہم حکومت کے ساتھ چلیں گے

کراچی: سردار اختر مینگل کا کہنا تھا کہ حکومت گرانے کا ہمارا کوئی ارادہ نہیں …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے