نئی دہلی

نئی دہلی: درندہ صفت بیٹے نے ماں کو قتل کرکے خون پی لیا

نئی دہلی : بھارتی ریاست چھتیس گڑھ میں درندہ صفت بیٹے نے اپنی ماں کو قتل کرکے اس کا خون پی لیا۔

تفصیلات کے مطابق بھارت کی ریاست چھتیس گڑھ کے ضلع کوربا کے گاؤں راما چکر کے رہائشی 25 سالہ دلیپ یادیو نامی شخص نے سفاکی و درندگی کا مظاہرہ کرتے ہوئے اپنی 50 سالہ ماں سماریا کو کلہاڑی کے وار سے قتل کردیا۔

بھارتی خبر رساں ادارے کا کہنا تھا کہ دلیپ یادیو اپنی ماں کو بے دردی سے قتل کرنے کے بعد تین دن تک اس کا خون پیتا رہا۔

مقامی میڈیا کا کہنا ہے کہ مقتولہ کی پڑوس میں مقیم خاتون نے یہ درد ناک منظر دیکھا تو پولیس کو واقعے کی اطلاع دی تاہم جب تک پولیس جائے وقوعہ پر پہنچی ملزم دلیپ فرار ہوچکا تھا۔

پولیس کا کہنا ہے کہ ملزم تانترک کا پجاری اور کالا علم سیکھ رہا تھا اور شیطانی قوت کے حصول کےلیے اپنے ماں کو قتل کیا۔

پولیس کا کہنا ہے کہ جائے وقوعہ پر پہنچے تو خاتون کی لاش کے ٹکڑے زمین پر پڑے تھے جبکہ مقتولہ کی لاش کے کچھ ٹکڑے کمرے کے ایک کونے میں کوئلوں کے ساتھ جھلسی ہوئی حالت میں بھی ملے تھے۔

بھارتی میڈیا کا کہنا ہے کہ پولیس نے تحقیقات کا آغاز کرتے ہوئے جھلسے ہوئے انسانی اعضاء کو طبی معائنے کےلیے فرانزک لیب بھیج دیا ہے جبکہ چھاپہ مار کارروائی کرتے ہوئے ملزم دلیپ کو بھی گرفتار کرلیا ہے۔

پولیس کا کہنا ہے کہ تفتیش کے دوران ملزم کے گھر سے کالے جادو کی کتاب بھی برآمد ہوئی ہے، ملزم دلیپ اپنی والدہ کو اپنی بیوی سے علیحدگی کا ذمہ دار بھی سمجھتا تھا۔

خیال رہے کہ یہ افسوس ناک واقعہ 30 دسمبر 2018 کو راما چکر گاؤں میں پیش آیا تھا۔

شام کے خلاف ایک اور امریکی سازش

یہ بھی پڑھیں

سعودی عرب کی آئل کمپنی میں حادثہ، 2 ملازمین ہلاک

سعودی عرب کی آئل کمپنی میں حادثہ، 2 ملازمین ہلاک

ریاض:  سعودی عرب کی ایک آئل ریفائنری میں ہونے والے حادثے کے نتیجے میں 2 …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے