غزہ حملے کے بعد مصر نے 40 دہشت گرد مار دیے

غزہ حملے کے بعد مصر نے 40 دہشت گرد مار دیے

غزہ: مصر کے زیرِ انتظام علاقے غزہ میں سڑک کنارے بم حملے کے بعد مصری پولیس نے کریک ڈاؤن میں چالیس مبینہ دہشت گرد مار دیے۔

تفصیلات کے مطابق غزہ میں سیاحوں کی ایک بس سڑک کنارے بم کی زد میں آنے کی وجہ سے تین ویت نامی سیاح جب کہ ایک مصری گائیڈ جاں بحق ہو گئے تھے، جس کے بعد مصری پولیس نے علاقے میں کریک ڈاؤن کیا۔

خوں ریز واقعے کے بعد مصری پولیس نے غزہ کے مختلف علاقوں میں چھاپے مارے، جن کے دوران پولیس نے مبینہ طور پر چالیس دہشت گردوں کو ہلاک کر دیا۔

مصری وزارتِ داخلہ کے مطابق بم حملے اہرام کے لیے مشہور علاقے غزہ اور آشوب زدہ جزیرہ نمائے سینا میں کیے گئے۔

مصری وزارتِ داخلہ کے مطابق تیس دہشت گرد غزہ کے علاقے میں دو چھاپوں کے دوران مارے گئے جب کہ دس دہشت گرد شمالی سینا میں مارے گئے۔

حکام کا کہنا ہے کہ دہشت گردوں کے خلاف کارروائیاں معلومات ملنے کے بعد کی گئیں، دہشت گرد ریاستی و سیاحتی اداروں اور چرچز پر مسلسل حملوں کی تیاری کر رہے تھے۔

حکام کی جانب سے جاری بیان میں کہا گیا کہ نیشنل سیکورٹی کو اطلاع ملی کہ دہشت گردوں کا ایک گروپ ریاستی اداروں بالخصوص معاشی اداروں، سیاحت، مسلح افواج، پولیس اور عیسائیوں کی عبادت گاہوں پر شدید حملوں کی سیریز کی منصوبہ بندی کر رہا تھا۔

خیال رہے کہ جمعے کی شام کو غزہ اہرام کے قریب ضلع الحرم میں سڑک کنارے نصب بم کی زد میں سیاحوں کی ایک بس آ گئی تھی، جس میں چار افراد جاں بحق ہو گئے تھے، جب کہ 11 ویت نامی سیاح اور مصری بس ڈرائیور زخمی ہوگئے تھے۔

امریکا میں شدید برف باری اور سیلاب نے تباہی مچادی، 6 افراد ہلاک

یہ بھی پڑھیں

کرونا وائرس ٹیسٹ کے لیے گئے وقت پر دو بار نہ جانے پر تیسری بار بکنگ دو ہفتے تک نہیں ملے گی

کرونا وائرس ٹیسٹ کے لیے گئے وقت پر دو بار نہ جانے پر تیسری بار بکنگ دو ہفتے تک نہیں ملے گی

ریاض: سعودی ویب سائٹ کے مطابق سعودی وزارت صحت کا کہنا ہے کہ کرونا وائرس …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے