,منی لانڈرنگ, کیس, کی, جے آئی ٹی, رپورٹ, نے, زرداری سسٹم, کو ,عیاں, کر ,دیا:, شہزاد اکبر

منی لانڈرنگ کیس کی جے آئی ٹی رپورٹ نے زرداری سسٹم کو عیاں کر دیا: شہزاد اکبر

وزیر اعظم عمران خان کے معاون خصوصی برائے احتساب شہزاد اکبر نے کہا ہے کہ جعلی اکاؤنٹس کیس کی تحقیقات کرنے والی جے آئی ٹی کی رپورٹ نے سندھ میں زرداری سسٹم کو عیاں کر دیا ہے۔

وفاقی وزیر اطلاعات فواد چوہدری کے ہمراہ پریس کانفرنس کرتے ہوئے شہزاد اکبر کا کہنا تھا کہ جے آئی ٹی نے جعلی اکاؤنٹس کیس میں سپریم کورٹ میں 800 سے 900 صفحات پر مبنی رپورٹ جمع کرائی۔

انہوں نے بتایا کہ جے آئی ٹی نے 924 افراد کے بیان قلمبند کیے جس میں 100 سے زائد جعلی اکاؤنٹس سامنے آئے، 59 مشکوک بینک اکاؤنٹس میں ٹرانزکشنز دیکھی گئیں۔

ان کا کہنا تھا کہ جے آئی ٹی کی تحقیقات کو داد دینی چاہیے، ہم خود حیران اور پریشان ہیں کہ ہوا کیا ہے، اب پتا چلا ہے کہ ہم گرے لسٹ میں کیوں ہیں؟

نواز شریف کا دفاع کرنے والوں کو شرم آنی چاہیے، وزیر اطلاعات

وزیراعظم کے معاون خصوصی کا کہنا تھا کہ آصف زرداری کی کرپشن اور منی لانڈرنگ کیس کو امریکا کی سینیٹ کمیٹی نے ٹیسٹ کیس بنایا۔

شہزاد اکبر نے کہا کہ جے آئی ٹی میں سندھ کے سسٹم کو بے نقاب کر دیا گیا ہے، سندھ کے ٹھیکوں کو لینے کے لیے نہ صرف جعلی اکاونٹس بنائے گئے بلکہ جعلی بینک بنا دیا گیا۔

وزیراعظم کے معاون خصوصی کا کہنا تھا کہ 9 ارب روپے جعلی اکاؤنٹس سے جعلی بینک میں گئے۔

انہوں نے بتایا کہ 2015 سے 2017 تک جعلی بینک اکاونٹس کیس میں کچھ نہیں ہوا، دسمبر 2017 میں جعلی ٹرانزکشن کو ایف آئی اے نے دیکھنا شروع کیا۔

شہزاد اکبر نے کہا کہ ہم حساب کر رہے تھے تو کیلکولیٹر جواب دے گیا۔

انہوں نے کہا کہ بلاول ہاؤس کے اطراف 10 گھر خریدے گئے، اس کے علاوہ نوابشاہ اور نوڈیرو میں زرعی اراضی خریدی گئی۔

یہ بھی پڑھیں

صدر مملکت نے چاروں گورنر اورعلماء کی ویڈیو کانفر نس آج

صدر مملکت نے چاروں گورنر اورعلماء کی ویڈیو کانفر نس آج

اسلام آباد: حکومت نے مساجد کیلئے ایس اوپیز کا از سرنو جائزہ لینے کا فیصلہ …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے