امریکا نے ترکی کو پیٹریاٹ میزائلوں کی فروخت کی منظوری دیدی

امریکا نے ترکی کو پیٹریاٹ میزائلوں کی فروخت کی منظوری دیدی

واشنگٹن: امریکی محکمہ دفاع نے ترکی کو پیٹریاٹ میزائلوں کی فروخت کی منظوری دے دی۔

امریکی محکمہ دفاع پیٹاگون کی طرف سے جاری بیان میں کہا گیا ہے کہ ترکی کو تقریباً ساڑے 3 ارب ڈالر مالیت کے پیٹریاٹ ایئر اینڈ میزائل ڈیفنس سسٹم کی فروخت کی منظوری دے دی گئی ہے۔

اس منظوری کے تحت ترکی کو 80 پیٹریاٹ ایم آئی ایم۔104ای گائیڈنس اینہانسڈ میزائل، 60 پی اے سی۔3 میزائل سیگمنٹ اینہانسمنٹ میزائل اور ان کے آلات فروخت کئے جائیں گے۔

پینٹاگون کے مطابق اس حوالے سے امریکی کانگرس کو باقاعدہ اطلاع دے دی گئی ہے۔

واضح رہے کہ امریکی محکمہ دفاع کی طرف سے یہ منظوری طویل عرصہ کے بعد اور روس کے ساتھ ایس۔400 ایئر ڈیفنس سسٹم کی خرایداری کے معاہدے کے بعد دی گئی ہے۔

ترکی نے روس کے ساتھ یہ معاہدہ امریکا سے پیٹریاٹ میزائلوں کی خریداری کی کوششوں میں ناکامی کے بعد کیا تھا۔

امریکی حکام نے ترکی کو روس سے ایس۔ 400 ایئر ڈیفنس سسٹم کی خرایداری سے باز رکھنے کی کوشش کی تاہم اس میں ناکامی کے بعد اسے پیٹریاٹ میزائل فروخت کرنے کی منظوری دے دی۔

چین کا امریکا کی جانب سے خلائی فورس بنانے کے اعلان پر ردعمل

یہ بھی پڑھیں

کرونا وائرس ٹیسٹ کے لیے گئے وقت پر دو بار نہ جانے پر تیسری بار بکنگ دو ہفتے تک نہیں ملے گی

کرونا وائرس ٹیسٹ کے لیے گئے وقت پر دو بار نہ جانے پر تیسری بار بکنگ دو ہفتے تک نہیں ملے گی

ریاض: سعودی ویب سائٹ کے مطابق سعودی وزارت صحت کا کہنا ہے کہ کرونا وائرس …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے