آسٹریلیا کے خلاف میچ میں دو بھارتی کھلاڑی آپس میں لڑ پڑے

آسٹریلیا کے خلاف میچ میں دو بھارتی کھلاڑی آپس میں لڑ پڑے

پرتھ: آسٹریلیا اور بھارت کے درمیان جاری میچ میں دو بھارتی کھلاڑی آپس میں لڑ پڑے، ایشانت شرما اور رویندر جڈیجا کی لڑائی کی ویڈیو وائرل ہوگئی۔

تفصیلات کے مطابق بھارت کو کینگروز کے خلاف شکست ہضم نہیں ہوئی، ٹیسٹ میچ کے چوتھے روز فاسٹ بولر ایشانت شرما اور رویندر جڈیجا آپس میں لڑ پڑے۔

ویڈیو میں دیکھا جاسکتا ہے کہ دونوں کھلاڑیوں کے درمیان لفظی گولہ باری جاری ہے اور ایشانت شرما انہیں ہاتھ کے اشارے سے جانے کا کہہ رہے ہیں۔

دونوں کھلاڑیوں کے درمیان لڑائی جاری تھی کہ پانی لے کر آنے والے کلدیپ یادیو اور فاسٹ بولر محمد شامی کے دونوں کے درمیان بیچ بچاؤ کرایا۔

بھارتی آل راؤنڈر رویندر جڈیجا میچ میں حصہ نہیں لے رہے تھے انہیں فیلڈنگ کے لیے گراؤنڈ میں بلایا گیا تھا۔

ابھی تک یہ واضح نہیں ہوسکا ہے کہ دونوں کے درمیان کس بات پر لڑائی ہوئی، اب دیکھنا یہ ہے کہ بی سی سی آئی رویندر جڈیجا اور ایشانت شرما کے خلاف کیا ایکشن لیتا ہے۔

واضح رہے کہ بھارتی کھلاڑیوں کے درمیان اس طرح کی لڑائی کوئی نئی بات نہیں ہے اس سے قبل بھی میچ کے دوران دھونی نے کلدیپ یادیو کو کہا تھا کہ ’بالنگ کرائے گا یا بولر تبدیل کریں’، یادیو نے ان سے مرضی کی فیلڈ لگانے کا کہا تھا۔

خیال رہے کہ پرتھ ٹیسٹ میچ میں بھارت کو 146 رنز سے شکست ہوئی ہے میچ میں 8 وکٹیں لینے والے نیتھن لیون کو مین آف دی میچ کا ایوارڈ دیا گیا۔

قومی ہاکی ٹیم کے مینیجر حسن سردار بھی عہدے سے مستعفی

یہ بھی پڑھیں

جوکووچ اور ان کی اہلیہ جیلینا کی کرونا ٹیسٹ رپورٹس منفی آگئیں

جوکووچ اور ان کی اہلیہ جیلینا کی کرونا ٹیسٹ رپورٹس منفی آگئیں

بلغراد: کرونا سے متاثر ہونے کے 9 دن بعد جووکوچ اور جیلینا دونوں صحتیاب ہوگئے …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے