سیالکوٹ : رہنما جماعت اسلامی ظفر بیگ ایڈووکیٹ کزن سمیت قتل‘ بھائی زخمی

سیالکوٹ : سیالکوٹ میں تھانہ رنگپورہ کے علاقہ تلواڑہ مغلاں میں مسلح افراد نے فائرنگ کر کے جماعت اسلامی کے رہنما مرزا ظفر بیگ ایڈووکیٹ اور ان کے چچا زاد بھائی عمران بیگ کو قتل کر دیا جبکہ گولی لگنے سے ان کا چھوٹا بھائی نعمان بیگ شدید زخمی ہو گیا۔

تفصیلات کے مطابق مرزا ظفر بیگ ایڈووکیٹ اپنے گھر کے باہر بیٹھے ہوئے تھے کہ تین موٹر سائیکل سواروں نے ان پر فائرنگ کر دی جس سے ظفر بیگ اور ان کا چچا زاد بھائی عمران بیگ موقع پر جاں بحق جبکہ ان کا بھائی نعمان بیگ شدید زخمی ہو گیا جسے علامہ اقبال میموریل ہسپتال میں طبی امداد دی جا رہی ہے۔

واقعہ کی اطلاع ملتے ہی پولیس کی بھاری نفری ہسپتال پہنچ گئی۔ پولیس کے مطابق واقعہ کی وجہ سیاسی دشمنی ہے اور درخواست ملتے ہی مقدمہ درج کر لیا جائے گا۔

واقعہ کے خلاف وکلاءاور جماعت اسلامی کے کارکنوں نے احتجاجی مظاہرہ کیا اور ملزموں کی فوری گرفتاری کا مطالبہ کیا جبکہ ڈسٹرکٹ بار ایسوسی ایشن نے آج مکمل ہڑتال کا اعلان کر دیا ہے۔ وکلاءنے بازووں پر سیاہ پٹیاں باندھ کر عدالتوں کا مکمل بائیکاٹ کر دیا۔

یہ بھی پڑھیں

علیم خان کے, خلاف کیس کی, سماعت 27 مئی, تک ملتوی, کردی

علیم خان کے خلاف کیس کی سماعت 27 مئی تک ملتوی کردی

لاہور:عدالت میں سماعت کے دوران نیب پراسیکیوٹر نے دلائل دیتے ہوئے کہا کہ آف شورکمپنیوں …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے