مودی کے والد کو کوئی نہیں جانتا، اپوزیشن رہنما

مودی کے والد کو کوئی نہیں جانتا، اپوزیشن رہنما

جے پور

کانگریسی رہنما اور سابق وزیر ویلاس راؤ نے کہا ہے کہ ساری دنیا راہول گاندھی کی 5 نسلوں کو جانتی ہے جب کہ وزیراعظم نریندرا مودی کے والد کے نام سے بھی کوئی واقف نہیں۔  

بھارتی میڈیا کے مطابق کانگریسی رہنما ویلاس راؤ نے کہا ہے کہ ان کے رہنما راہول گاندھی کی 5 نسلوں کو تو پوری دنیا جانتی ہے البتہ نریندرا مودی کا نام وزیراعظم بننے کے بعد دنیا کے سامنے آیا اور تاحال کوئی بھی نہ تو وزیراعظم مودی کے والد کا نام جانتا ہے اور نہ ماں کے نام سے واقف ہے۔

راجستھان میں ایک انتخابی مہم کے دوران کارنر میٹنگ سے خطاب کرتے ہوئے سابق وزیر ویلاس راؤ نے مزید کہا کہ نریندرا مودی گاندھی خاندان سے حساب مانگ رہے ہیں، وہ بھول گئے کہ راہول کے باپ راجیو گاندھی، دادی اندرا گاندھی اور پڑ دادا نہرو کو پوری دنیا جانتی ہے جب کہ آپ کے تو والد تک کا نام کوئی نہیں جانتا۔

وزیراعظم نریندرا مودی پر تقریر کے دوران ذاتیات کو تنقید کا نشانہ بنانے اور مودی کے خاندان کے حوالے سے ذاتی حملے کی ویڈیو بھارتیہ جنتا پارٹی نے سوشل میڈیا پر اپ لوڈ کردی جس کے بعد سابق وزیر کو اپنی تنقید پر وضاحتیں دینا پڑ گئیں۔

ویلاس راؤ کا کہنا تھا کہ وہ ذاتیات کو سیاست میں گھسیٹنے کے مخالف رہے ہیں، سوشل میڈیا پر وائرل ہونے والی ویڈیو پارٹی میٹنگ کے دوران بنائی گئی اور ویڈیو بنانے والے شخص نے میرے بیان کو سیاق و سباق سے ہٹ کر ایڈٹ کیا اور پھر ویڈیو اپ لوڈ کردی۔

یورپی سربراہی اجلاس میں بریگزٹ معاہدے کی منظوری

یہ بھی پڑھیں

دنیا میں یہ, واحد درخت ہے جو کسی, فٹبال کلب, کا رکن, بھی ہے

دنیا میں یہ واحد درخت ہے جو کسی فٹبال کلب کا رکن بھی ہے

پیراگوئے:گراؤنڈ میں بڑھتے ہوئے درخت کو اپنی ٹیم کا آفیشل مداح قرار دیتے ہوئے اسے …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے