امیتابھ بچن نے 1400 کسانوں کا قرض چُکا دیا

امیتابھ بچن نے 1400 کسانوں کا قرض چُکا دیا

بالی وڈ کے میگا اسٹار امیتابھ بچن نے تقریباً 1400 سے زائد کسانوں کا قرض چکا دیا۔

بھارت میں زمین کا سینا چیرنے والے کسانوں کو شدید مشکلات کا سامنا ہے، یہی وجہ ہے کہ بھارت میں کسان قرضے کے بوجھ تلے دب کر خودکشی کرنے پر مجبور ہوتے ہیں۔

بالی وڈ اداکار نانا پاٹیکر بھی کسانوں کی فلاح کیلئے میدان میں ہیں لیکن اب میگا اسٹار امیتابھ بچن نے بھی کسانوں کی مدد کرنے کی ٹھان لی ہے۔

میڈیا رپورٹس کے مطابق بالی وڈ اداکار امیتابھ بچن نے اپنے بلاگ میں لکھا ہے کہ انہوں نے 1398 کسانوں کی مدد کی ہے اور ان کا قرض چکا دیا ہے۔

میگا اسٹار نے بھارتی ریاست اترپردیش کے کسانوں کا قرض ادا کیا ہے جو کہ 5 لاکھ ڈالر اور بھارتی روپوں میں 4 کروڑ سے زائد کی رقم بنتی ہے۔

بالی وڈ اداکار نے سرکاری بینک کے مقروض کسانوں کا قرض چکایا اور انہوں نے خواہش کا اظہار کیا ہے کہ وہ سب کسانوں کو قرض کی ادائیگی کا بتائیں لیکن یہ ممکن نہیں ہے۔

میگا اسٹار نے چند کسانوں کو ممبئی طلب کیا ہے جہاں انہیں وہ بینک کی جانب سے دی ہوئی دستاویزات دیں گے۔

یاد رہے کہ 1995 سے اب تک 3 لاکھ سے زائد کسان خود کشیاں کرچکے ہیں جن کی بڑی تعداد قرض ادا نہ کرنے کی وجہ سے انتہائی قدم اٹھانے پر مجبور ہوئی ہے۔

وائٹ ہاؤس نے سی این این کے صحافی کا پاس بحال کردیا

یہ بھی پڑھیں

ماہرہ خان نے سوشل میڈیا پر بھی اداکاراؤں کو پیچھے چھوڑدیا

ماہرہ خان نے سوشل میڈیا پر بھی اداکاراؤں کو پیچھے چھوڑدیا

کراچی: شہرت یافتہ اداکارہ ماہرہ خان نےمقبولیت میں تمام اداکاراؤں کو پیچھے چھوڑ دیا ہے ماہرہ …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے