افغانستان میں طالبان ہارے نہیں، ان کی پوزیشن کافی مضبوط ہے، امریکا

افغانستان میں طالبان ہارے نہیں، ان کی پوزیشن کافی مضبوط ہے، امریکا

واشنگٹن: امریکا کے چیئرمین جوائنٹ چیف آف اسٹاف جنرل جوزف ڈن فورڈ نے کہا ہے کہ افغانستان میں طالبان ہارے نہیں بلکہ ان کی پوزیشن اب بھی کافی مضبوط ہے۔

غیرملکی خبررساں ادارے کے مطابق امریکا کے چیئرمین جوائنٹ چیف آف اسٹاف جنرل جوزف ڈن فورڈ نے کہا ہے کہ افغانستان میں طالبان کی مضبوط پوزیشن کو ہمیں تسلیم کرلینا چاہئے اور فوجی آپریشن کے ساتھ معاشی دباؤ اور مذاکرات کے ذریعے قیام امن کی کوشش کرنی چاہئے۔

امریکی جنرل جوزف نے کہا ہے کہ امریکا اپنے اتحادی کے ساتھ مل کر طالبان اور کابل حکومت کے درمیان مذاکرات کی کوششیں جاری رکھی ہوئی ہیں، اگر طالبان بات چیت کے لیے تیار ہوجاتے ہیں تو یہ ہماری بڑی کامیابی ہوگی۔

جنرل جوزف نے کہا کہ افغانستان میں حال ہی میں ہونے والے بلدیاتی الیکشن کامیاب ثابت ہوئے ہیں اور اب ہماری نگاہیں آئندہ برس ہونے والے صدارتی انتخابات پر جمی ہوئی ہیں، جمہوری عمل جاری رہنے کے معاشرے میں مثبت اثرات مرتب ہوتے ہیں، جنگ ہر مسئلے کا حل نہیں ہے۔

واضح رہے کہ افغان مذاکرات کے لیے امریکا کے خصوصی نمائندے زلمے خلیل زاد نے افغان امن مذاکرات کے سلسلے میں طالبان کے وفد، متحدہ عرب امارات اور سعودی عرب کے ساتھ دوسری اہم ملاقات دبئی میں کی تھی۔

تاج محل کی مسجد میں زبردستی داخل ہو کر ہندو انتہا پسند خواتین کی پوجا پاٹ

یہ بھی پڑھیں

سعودی عرب اور اسرائیل کے درمیان اہم معاہدہ طے پایا گیا

سعودی عرب اور اسرائیل کے درمیان اہم معاہدہ طے پایا گیا

اسرائیل: اسرائیلی حکام کے مطابق موساد کے نام سے مشہور اسرائیلی خفیہ ایجنسی کے چیف، …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے