کراچی اتحاد میں پھوٹ پڑ گئی، (ن) لیگ کا تحریک انصاف پرغداری کا الزام

کراچی: متحدہ قومی موومنٹ کی مخالف سیاسی جماعتوں کے اتحاد “کراچی اتحاد” میں پھوٹ پڑ گئی اور مسلم لیگ (ن) نے تحریک انصاف کو غدار قرار دے دیا۔

 تحریک انصاف کے رہنما عمران اسماعیل اولڈ کے ایم سی بلڈنگ میں  پریس کانفرنس کر رہے تھے کہ اس دوران چیئرمین کے لئے مسلم لیگ (ن) کے امیدوار امان اللہ آفریدی پہنچ گئے اورانہیں دھکا دیتے ہوئے روسٹرم سے ہٹا دیا۔ امان اللہ آفریدی نے تحریک انصاف کو غدار قرار دیتے ہوئے کہا کہ پی ٹی آئی نے قرآن پر ہاتھ رکھ کر کہا تھا کہ وہ ایم کیو ایم کے امیدواروں کو ووٹ نہیں دیں گے لیکن انہوں نے ضلع غربی میں چیئرمین شپ کے لئے ایم کیو ایم کو 4 ووٹ دیئے جس کے جواب میں ایم کیو ایم کی جانب سے ان کے امیدوار کو 21 ووٹ دیئے گئے۔

امان اللہ آفریدی کا کہنا تھا کہ تحریک انصاف نے ایم کیو ایم سے اتحاد کرکے ہماری پیٹ میں چھرا گھونپا جب کہ تحریک انصاف کے عمران اسماعیل کا کہنا تھا کہ کراچی کی بہتری کے لیے منتخب میئر کا ساتھ دیں گے۔

یہ بھی پڑھیں

نئے نوٹ جاری, کرنے کا سلسلہ 20 مئی, سے شروع ہوگا, جو 31 مئی تک, جاری رہے گا

نئے نوٹ جاری کرنے کا سلسلہ 20 مئی سے شروع ہوگا جو 31 مئی تک جاری رہے گا

کراچی: اسٹیٹ بینک کے جاری بیان میں بتایا گیا کہ نئے نوٹوں کی بکنگ کا …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے