فخرعالم کا ’مشن پرواز‘ کامیابی سے مکمل‘ دنیا کا چکر لگانے والے پہلے پاکستانی بن گئے

فخرعالم کا ’مشن پرواز‘ کامیابی سے مکمل‘ دنیا کا چکر لگانے والے پہلے پاکستانی بن گئے

فلوریڈا: پاکستانی گلوکار واداکار فخرعالم کا ’مشن پرواز‘ کامیابی سے مکمل ہوگیا جس کے بعد وہ تنہا جہاز پردنیا کا چکرلگانے والے پہلے پاکستانی بن گئے۔

تفصیلات کے مطابق پاکستانی گلوکارو اداکار فخرعالم کا ’مشن پرواز‘ مکمل ہوگیا، وہ دنیا کا چکر لگانے والے پہلے پاکستانی پائلٹ بن گئے۔

فخرعالم نے ’مشن پرواز‘ مکمل ہونے کی خوشخبری سماجی رابطے کی ویب سائٹ ٹویٹر پرپاکستانی پرچم لہرا کر ایک ویڈیو پیغام کے ذریعے دی۔

یاد رہے کہ پاکستانی گلوکار و اداکار نے ’مشن پرواز‘ کا سفر امریکی ریاست فلوریڈا کے شہر واٹرز سے 10 اکتوبر کی صبح 7 بجے شروع کیا تھا، 28 دن پر مشتمل اس مشن میں وہ دنیا کے مختلف ممالک کے 32 ائیرپورٹس پر گئے۔

فخرعالم کوتین سال قبل 2015 میں پائلٹ کا لائسنس ملا تھا، اُن کا خواب تھا کہ وہ خود جہاز اڑا کر دنیا بھر کا چکر لگائیں۔

واضح رہے کہ 1940 کے بعد سے اب تک 200 افراد ایسے ہیں جو دنیا کا چکر لگانے میں کامیاب ہوئے، گزشتہ برس پاکستانی نژاد امریکی باپ بیٹے نے کوشش کی مگر بدقسمتی سے اُن کا جہاز ادھورے مشن میں ہی گر کرتباہ ہوگیا تھا۔

لگاتار گیارہویں سیریز جیتنا بڑا اعزاز ہے: وزیراعظم

یہ بھی پڑھیں

حمزہ علی عباسی

‘نہیں معلوم تھا کہ میں اپنے مستقبل کے ساتھ کھڑی ہوں’

اداکار حمزہ علی عباسی کی اہلیہ نیمل خاور خان نے سوشل میڈیا پر شادی سے …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے