کیلی فورنیا: بھارتی سیاح جوڑا سیلفی لیتے ہوئے کھائی میں گر کر ہلاک

کیلی فورنیا: بھارتی سیاح جوڑا سیلفی لیتے ہوئے کھائی میں گر کر ہلاک

کیلی فورنیا: امریکی ریاست کیلی فورنیا کے یوسومائیٹ نیشنل پارک میں ایک بھارتی سیاح جوڑا پہاڑ پر سیلفی لیتے ہوئے 800 فٹ گہری کھائی میں گر کر ہلاک ہوگیا۔

بھارتی میڈیا رپورٹس کے مطابق سیاح جوڑے کی شناخت 29 سالہ وشنو وسوانتھ اور 30 سالہ میناکشی مورتھی کے نام سے ہوئی ہے جبکہ پارک انتظامیہ نے دونوں کی لاش کو تحویل میں لے کر اسپتال منتقل کردیا ہے۔

وشنو وسوانتھ کے بھائی کے مطابق جس وقت حادثہ پیش آیا وہ دونوں بظاہر سیلفی لے رہے تھے، جبکہ جس مقام پر حادثہ پیش آیا وہاں کوئی ریلنگ موجود نہیں ہے۔

بھارتی سیاح جوڑے نے 2014 میں امریکا میں شادی کی تھی اور سوشل میڈیا اکاؤنٹس میں اکثر اپنی سیلفی کی تصاویر اور ویڈیوز شیئر کرتے تھے، سیاح جوڑے کا پسندیدہ مشغلہ تعطیلات میں تفریحی مقامات کا دورہ کرنا تھا۔

پارک کے ترجمان کا کہنا تھا کہ ابھی تک معلوم نہیں ہوسکا ہے کہ جوڑا کھائی میں کیسے گرا، پارک میں سخت حفاظتی انتظامات موجود ہیں تاہم تحقیق کریں گے کہ المناک حادثہ کس طرح پیش آیا۔

رپورٹ کے مطابق ایک سال کے دوران سیلفی لیتے ہوئے 259 افراد ہلاک ہوچکے ہیں جبکہ صرف بھارت میں 2011 سے اب تک 159 افراد خطرناک مقامات سے سیلفی لیتے ہوئے ہلاک ہوچکے ہیں۔

سعودی صحافی جمال خاشقجی کو گلا دباکر قتل کیا گیا، ترک پراسیکیوٹر جنرل

یہ بھی پڑھیں

امریکا نے یورپی مصنوعات پر بھاری ٹیکس نافذ کردیا

امریکا نے یورپی مصنوعات پر بھاری ٹیکس نافذ کردیا

امریکا میں یورپی مصنوعات اب مزید مہنگی ہوجائیں گی کیونکہ امریکی حکومت کی جانب سے …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے