نیوزی لینڈ میں 6.1 شدت کا زلزلہ، برطانوی شاہی جوڑا محفوظ رہا

نیوزی لینڈ میں 6.1 شدت کا زلزلہ، برطانوی شاہی جوڑا محفوظ رہا

ویلنگٹن: نیوزی لینڈ کا شمالی جزیرہ آج 6.1 شدت کے زلزلے سے لرز اُٹھا، نیوزی کے لینڈ کے دورے پر جانے والا برطانوی شاہی جوڑا محفوظ رہا۔

غیرملکی خبررساں ادارے کے مطابق نیوزی لینڈ کے شمالی جزیرے میں 6.1 شدت کے زلزلے کے جھٹکے محسوس کیے گئے، زلزلے کا مرکز تاؤما رونوئی شہر سے 25 کلو میٹر جنوب مغرب تھا، زلزلے کی گہرائی 227 کلو میٹر تھی۔

زلزلے کے وقت ویلنٹن میں پارلیمنٹ کا اجلاس جاری تھا تاہم زلزلے کے جھٹکوں کے سبب ڈپٹی اسپیکر نے پارلیمنٹ کی کارروائی معطل کرنے کا اعلان کردیا۔

حکام کے مطابق زلزلے میں کوئی بڑا نقصان نہیں ہوا اور نہ ہی سونامی کا خطرہ ہے۔

دوسری جانب برطانوی شاہی جوڑا شہزادہ ہیری اور میگھن مرکل بھی ان دنوں نیوزی لینڈ کے دورے پر ہیں۔

حکام کے مطابق آکلینڈ میں زلزلے کے ہلکے جھٹکے محسوس کیے گئے، جس وقت زلزلہ آیا شہزادہ ہیری اور میگھن مرکل ایک تقریب میں شرکت کررہے تھے اور دونوں بالکل محفوظ ہیں۔

یاد رہے کہ شاہی جوڑا اس وقت پیسیفک ٹور پر ہے، جس کے دورن انہوں نے آسٹریلیا، کینیا، فجی اور ٹونگا کا بھی دورہ کیا ہے۔

ہنگری کے سفارت کار کی اہلیہ کا موبائل چوری

یہ بھی پڑھیں

بوکھلاہٹ کے شکار بھارتی تاجروں نے پاکستان سے تمام آرڈر منسوخ کر دیے

بوکھلاہٹ کے شکار بھارتی تاجروں نے پاکستان سے تمام آرڈر منسوخ کر دیے

نئی دہلی: پلوامہ حملے کے بعد بھارتی حکومت کی جانب سے پاکستان پر لگائے جانے والے …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے