’کوکو کورینا‘ کا ری میک: شیریں مزاری اور مومنہ میں ٹویٹر پر نوک جھونک

’کوکو کورینا‘ کا ری میک: شیریں مزاری اور مومنہ میں ٹویٹر پر نوک جھونک

لاہور: وفاقی وزیر  شیریں مزاری کے  ’کوکو کورینا‘ کے ری میک پر سخت ردِ عمل کے بعد پی ٹی آئی رہنما اور گلوکارہ مومنہ کے درمیان ٹویٹر پر نوک جھونک شروع ہو گئی۔

تفصیلات کے مطابق وفاقی وزیر برائے انسانی حقوق شیریں مزاری کو مومنہ مستحسن اور احد رضا کا’کوکو کورینا‘کا ری میک پسند نہیں آیا، جس پر سوشل میڈیا پر شیریں مزاری اور مومنہ کے درمیان نوک جھونک شروع ہوگئی۔

شیریں مزاری کی تنقید پر احد بھی میدان میں آ گئے، بولے آپ کی پارٹی تبدیلی کی باتیں کرتی ہے مِس منسٹر آپ بھی خیال کریں۔

کوکو کورینا 1966 میں پاکستانی فلم انڈسٹری کے مایہ نواز اور ورسٹائل گلو کار احمد رشدی نے گایا، جسے چاکلیٹی ہیرو وحید مراد پر فلمایا گیا تھا، یہ گانا آج بھی جو بھی سنتا ہے، سنتا ہی رہ جاتا ہے۔

مومنہ مستحسن اور احد رضا میر کے گائے ہوئے ری میک پرسوشل میڈیا پر بحث شروع ہو گئی ہے، نوک جھونک میں وفاقی وزیر شیریں مزاری بھی شامل ہوگئیں۔

شیریں مزاری نے سماجی رابطوں کی ویب سائٹ ٹویٹر پر ٹویٹ کیا، ہولناک ۔۔۔ عظیم کلاسک تباہ کر دیا- جس پر مومنہ نے جواب دیا دل آزاری پر معذرت، آپ وزیر ہیں کم از کم حوصلہ افزائی ہی کر دیں۔

شریں مزاری نے جواب میں کہا میری مرضی میری پسند مجھے گانا پسند نہیں آیا بات ختم۔ وفاقی وزیر نے مومنہ سے پوچھا وزارت کا میری پسند نا پسند سے کیا تعلق؟

شیریں مزاری کی تنقید پر احد بھی برا مان گئے بولے مِس منسٹر آپ کی پارٹی تبدیلی کی بات کرتی ہے آپ بھی انسانی حقوق کا خیال کریں۔

کوکو کورینا کا ری میک سن کر وحید مراد کے بیٹے عادل مراد نے بھی ٹویٹ کرتے ہوئے کہا کہ گانے کی اجازت دینے پر شرمندہ ہوں۔

معروف گلوکارہ گل بہار بانو بھائی کے گھر سے بازیاب

یہ بھی پڑھیں

تلخ, حقیقت کی, عکاسی کرنے, والی کرائم ڈرامہ فلم ’لال کبوتر‘

تلخ حقیقت کی عکاسی کرنے والی کرائم ڈرامہ فلم ’لال کبوتر‘

فلمز کے اشتراک سے بنائی جانے والی کرائم ڈرامہ فلم ’لال کبوتر‘ کا شاندار ٹریلر …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے