,کراچی,: اسٹریٹ کرائم ,کی, وارداتوں, پر, قابو, پانے, کیلئے, ',اسٹریٹ واچ فورس,' کا, قیام

کراچی: اسٹریٹ کرائم کی وارداتوں پر قابو پانے کیلئے ‘اسٹریٹ واچ فورس’ کا قیام

کراچی : کراچی میں اسٹریٹ کرائم کی وارداتوں پر قابو پانے کے لیے پولیس کے 1870 اہلکاروں پر مشتمل ‘اسٹریٹ واچ فورس’ نے کام کا آغاز کردیا۔

ایڈیشنل انسپکٹر جنرل (آئی جی) کراچی ڈاکٹر امیر شیخ نے ضلعی سینئر سپرنٹنڈنٹ پولیس (ایس ایس پیز) کے ہمراہ گارڈن پولیس کوآرٹر میں اسٹریٹ واچ فورس کے جوانوں سے خطاب کیا۔

ایڈیشنل آئی جی ڈاکٹر امیر شیخ کے مطابق اسٹریٹ واچ فورس کے جوانوں کو شہر میں اسٹریٹ کرائم کے حوالے سے بدنام مقامات پر تعینات کردیا گیا۔

ضلع جنوبی اور شہر کے دیگر علاقوں میں اسٹریٹ کرائم واچ کو 80، ضلع شرقی کو 80، ضلع وسطی، ملیر، غربی اور کورنگی کو 20، 20 نئی موٹر سائیکلیں فراہم کردی گئیں۔

پولیس حکام کے مطابق اسٹریٹ واچ فورس میں زیادہ تر نئے بھرتی ہونے والے اہلکاروں کو تعینات کیا گیا ہے، جو 2 موٹر سائیکلوں پر 4 اہلکار کی ٹولیوں میں 8، 8 گھنٹے ڈیوٹیاں کریں گے۔

انہوں نے مزید بتایا کہ ڈسٹرکٹ ایس ایس پیز اپنے اپنے علاقے میں اسٹریٹ واچ فورس کے سربراہ مقرر کیے گئے ہیں جبکہ واردات کی اطلاع پر مذکورہ اہلکار برق رفتاری سے کارروائی کریں گے۔

جمال خاشقجی کی گمشدگی میں سعودی عرب کا ہاتھ ہوا توسزا ناگزیر ہوگی، ٹرمپ

علاوہ ازیں کراچی پولیس چیف نے ملیر کے علاقے سکھن میں اسٹریٹ کرائم کی واردات کے دوران زخمی ہونیوالے اسٹریٹ واچ فورس کے اہلکار کیلے 50 ہزار روپے انعام کا اعلان بھی کیا۔

خیال رہے کہ حالیہ کچھ ماہ میں کراچی میں اسٹریٹ کرائم کی وارداتوں میں اضافہ دیکھنے میں آیا ہے جس کی وجہ سے بہت سے شہری نقدی، قیمتی زیورات اور گاڑیوں سے محروم ہوئے۔

اس کے علاوہ اسٹریٹ کرائم کی وارداتوں کے دوران مزاحمت پر متعدد افراد ہلاک اور زخمی بھی ہوئے اور شہر میں اس عفریت پر قابو پانے کے لیے اسٹریٹ واچ فورس کا قیام عمل میں آیا۔

یہ بھی پڑھیں

محکمہ تعلیم ,کے افسران, درست رپورٹ نہ, دے, سکے

محکمہ تعلیم کے افسران درست رپورٹ نہ دے سکے

کراچی:عالمی بینک اور محکمہ تعلیم سندھ کے درمیان معاہدہ ہوا تھا جس کے تحت عالمی …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے