,شہباز شریف, کی ,گرفتاری: پنجاب اسمبلی, میں, مذمتی قرارداد ,جمع

شہباز شریف کی گرفتاری: پنجاب اسمبلی میں مذمتی قرارداد جمع

لاہور: اپوزیشن لیڈر اور مسلم لیگ (ن) کے صدر شہباز شریف کی گرفتاری کے خلاف پنجاب اسمبلی میں مذمتی قرارداد جمع کروادی گئی۔

مسلم لیگ (ن) کی رکن صوبائی اسمبلی حنا پرویز بٹ کی جانب سے جمع کروائی گئی قرارداد میں شہباز شریف کی گرفتاری کی مذمت کی گئی اور اسے انتقامی کارروائی قرار دیا گیا۔

مذمتی قرار داد میں کہا گیا کہ قومی احتساب بیورو (نیب) نے اپنے اختیارات سے تجاوز کرتے ہوئے اپوزیشن لیڈر کو گرفتار کیا ہے، اور نیب وہ مردہ گھوڑا ہے جسے مسلم لیگ (ن) کے خلاف استعمال کرنے کے لیے زندہ کیا گیا ہے۔

حنا پرویز بٹ کا قرار داد میں کہنا تھا کہ وہ مسلم لیگ (ن) کے صدر کی گرفتاری کی شدید الفاظ میں مذمت کرتی ہیں۔

قرار داد میں کہا گیا کہ ’نیب نے شہباز شریف کو صاف پانی کیس میں بلایا اور گرفتاری آشیانہ اسکینڈل میں کی، یہ احتساب کے نام پر انتقام ہورہا ہے‘۔

لیگی رہنما کا قرارداد میں کہنا تھا کہ عام انتخابات سے قبل نواز شریف کی گرفتاری اور ضمنی انتخابات سے قبل شہباز شریف کی گرفتاری نے کئی سوالات اٹھا دیے ہیں۔

مطالبات نہ مانے گئے تو حکومت سے علیحدہ ہوسکتے ہیں، ایم کیو ایم پاکستان

انہوں نے کہا کہ ایک ناکام حکومت کو چلانے کے لیے ایسے اوچھے ہتھکنڈے استعمال کیے جا رہے ہیں، کیونکہ حکومت کو معلوم ہو چکا ہے عوام نے جعلی مینڈیٹ والوں کو مسترد کردیا ہے۔

قرارداد کے متن میں کہا گیا کہ شہباز شریف کی گرفتاری سے یہ بھی ثابت ہوگیا ہے کہ ایک فریق کو گرفتار اور دوسرے فریق کو ریلیف دیا جا رہا ہے، لہذا یہ ایوان سابق وزیرِ اعلیٰ پنجاب کی گرفتاری کے خلاف بھرپور احتجاج کرتا ہے۔

حنا پرویز بٹ نے اپنی قرارداد میں حکومت سے مطالبہ کیا کہ مسلم لیگ (ن) کے صدر شہباز شریف کو فوری رہا کیا جائے، اور خبردار کیا کہ اگر حکومت نے ضمنی انتخابات سے قبل شہباز شریف کو رہا نہ کیا تو ملک بھر میں احتجاجی مظاہرے کیے جائیں گے۔

ادھر مسلم لیگ (ن) کی جانب سے پنجاب اسمبلی کا اجلاس بلوانے کے لیے اسمبلی سیکریٹریٹ میں ریکوزیش جمع کرا دی گئی۔

مسلم لیگ (ن) کے رہنما اور رکنِ صوبائی اسمبلی سمیع اللہ خان کی جانب جمع کروائی گئی ریکوزیشن میں درخواست کی گئی کہ صوبائی اسمبلی کا اجلاس 16 اکتوبر سے قبل بلایا جائے۔

یہ بھی پڑھیں

وزیراعظم عمران خان تو کہتے ہیں ہر معاملے کی رپورٹ پبلک ہونی چاہیے

وزیراعظم عمران خان تو کہتے ہیں ہر معاملے کی رپورٹ پبلک ہونی چاہیے

لاہور: ہائیکورٹ میں پٹرول بحران اور قیمتوں میں اضافہ سے متعلق کیس کی سماعت ہوئی …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے