نازیبا تصاویر انٹرنیٹ پر اپلوڈ کرنے پر ڈی آئی جی گلگت کی گرفتاری کا حکم

لاہور: سپریم کورٹ نے سابقہ بیوی کی نازیبا تصاویر انٹرنیٹ پر اپ لوڈ کر نے کے الزام میں ڈی آئی جی گلگت کی گرفتاری کا حکم جاری کردیا۔

چیف جسٹس پاکستان میاں ثاقب نثار کی سربراہی میں سپریم کورٹ کے دو رکنی بنچ نے سابقہ اہلیہ کی نازیبا تصاویر سوشل میڈیا پر اپ لوڈ کرنے والے ڈی آئی جی گلگت بلتستان جنید ارشد کے خلاف کیس کی سماعت کی۔ چیف جسٹس پاکستان نے ڈی آئی جی جنید ارشد کو فوری گرفتار کرکے اس کا نام ای سی ایل میں شامل کرنے کا حکم دے دیا۔
جنید ارشد کی سابق اہلیہ عائشہ سبحانی نے چیف جسٹس کو درخواست دی تھی کہ سابق شوہر نے ان کی نازیبا تصویریں سوشل میڈیا پر اپ لوڈ کی تھیں، ٹرائل کورٹ سے ضمانت خارج ہونے کے باوجود جنید ارشد کو تاحال گرفتار نہیں کیا گیا۔ چیف جسٹس نے کہا کہ کیا پولیس افسر اپنے آپ کو قانون سے بالاتر سمجھتے ہیں، کل تک ملزم کو گرفتار کرکے رپورٹ پیش کی جائے۔

ایف آئی اے سائبر کرائم سیل نے ڈی آئی جی گلگت بلتستان سید جنید ارشد کے خلاف مقدمہ درج کیا تھا۔ بااثر ملزم پر الزام عائد کیا گیا کہ اس نے اپنے دوست دانش کے ساتھ مل کر اپنی سابقہ بیوی کو بلیک میل کیا اور اس کی نازیبا تصاویر فیس بک پر اپ لوڈ کیں۔

یہ بھی پڑھیں

حمزہ شہباز کی گھر کے کھانے کی درخواست پر تحریری حکم جاری کر دیا

حمزہ شہباز کی گھر کے کھانے کی درخواست پر تحریری حکم جاری کر دیا

لاہور: احتساب عدالت کے ایڈمن جج جواد الحسن نے حمزہ شہباز کی درخواست پر 2صفحات …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے