اوباما اور ہیلری داعش کے اصل بانی ہیں، ڈونلڈ ٹرمپ

واشنگٹن: امریکی صدارتی امیدوار ڈونلڈ ٹرمپ کا کہنا ہے کہ امریکی صدر باراک حسین اوباما شدت پسند تنظیم داعش کے بانی جبکہ ہیلری کلنٹن شریک بانی ہیں۔

ریاست فلوریڈا کے شہر فورٹ لاڈرڈیل میں ایک جلسے سے خطاب کرتے ہوئے ریپبلکن پارٹی کے صدارتی امیدوار ڈونلڈ ٹرمپ کا کہنا تھا کہ باراک اوباما داعش کے بانی اور ہیلری کلنٹن ان کی شریک بانی ہیں۔ ٹرمپ نے امریکی صدر کا پورا نام 3 بار دہراتے ہوئے کہا کہ باراک حسین اوباما کی عزت کی وجہ بہت سے اہم اور مثبت پہلو ہیں لیکن وہ دہشت گرد تنظیم داعش کے بانی بھی ہیں جب کہ ہیلری کلنٹن کی غلط پالیسیوں کی بدولت عراق میں سیاسی قوتیں کمزور ہوئیں اور شدت پسند تنظیم کوسراٹھانے کا بھرپورموقع ملا اس لئے کلنٹن داعش کی شریک بانی ٹھہری۔

ڈونلڈ ٹرمپ اس سے قبل بھی اپنی حریف پر اسی طرح کے الزامات لگا چکے ہیں اورایک تقریر میں ٹرمپ نے یہ بھی کہا تھا کہ امریکا میں اسلحہ رکھنے کا حق مانگنے والے عوام کلنٹن کو صدر بننے سے روک سکتے ہیں اس بیان پر انہیں متعدد حلقوں سمیت ہیلیری کلنٹن کی جانب سے بھی تنقید کا نشانہ بنایا گیا تھا ہیلیری کلنٹن کا کہنا تھا کہ ڈونلڈ ٹرمپ عوام کو شدت پسندی پر اکسا رہے ہیں اس لئے وہ امریکی صدر اور کمانڈران چیف بننے کے بالکل بھی اہل نہیں ۔

یہ بھی پڑھیں

روس کا کیمیائی ہتھیاروں کی نابودی کے لیے لازمی اقدامات پر زور

روس کا کیمیائی ہتھیاروں کی نابودی کے لیے لازمی اقدامات پر زور

روس نے کیمیائی ہتھیاروں پر پابندی کے عالمی معاہدے کے رکن ملکوں کے درمیان تعمیری …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے