ری پبلکن رہنماؤں کا ڈونلڈ ٹرمپ کیخلاف کھلا خط

امریکی کی قومی سلامتی پرتجاویز تیار کرنے والے ڈونلڈ ٹرمپ کی اپنی ہی ری پبلکن پارٹی کے پچاس اہم رہنماؤں نے ایک کھلا خط جاری کرتے ہوئے ڈونلڈ ٹرمپ کو امریکا کی سلامتی کیلئے بڑا خطرہ قرار دے دیا ہے۔

ری پبلکن پارٹی کے پچاس رہنماؤں کے مطابق ڈونلڈ ٹرمپ کا مزاج اور رویہ کسی طور پر امریکا کا صدر بننے کا اہل نہیں۔ خط میں لکھا گیا کہ ڈونلڈ ٹرمپ امریکا کے بدترین اور خطرناک صدر ثابت ہوسکتے ہیں جبکہ وہ امریکا کی سلامتی کو بھی خطرے میں ڈال سکتے ہیں۔

خط میں مزید کہا گیا ہے کہ ڈونلڈ ٹرمپ میں صدر ہونے کا کردار، اقدار اور تجربے کا فقدان ہے، ٹرمپ کا مذہبی رواداری، میڈیا کی آزادی اور عدلیہ سمیت امریکی قوانین کے بارے میں کوئی خاص آگاہی نہیں۔

خط لکھنے والوں میں سی آئی اے کے سابق ڈائریکٹر جنرل ہیڈن، ہوم لینڈ سیکورٹی کے سابق سیکریٹریز مائیکل شیرٹوف اور ٹوم رج ، سابق نائب وزیر دفاع ڈوو زاخیم، سابق نائب وزیر خارجہ اور نیشنل انٹیلی جنس کے ڈائریکٹر جان نیگروپونٹے، سابق نیشنل سیکورٹی ایڈوائز ر ایرک ایڈلمین اور سابق نائب وزیا خارجہ رابرٹ زولیک بھی خط لکھنے والوں میں شامل ہیں۔

یہ بھی پڑھیں

ڈرون گرانے کا امریکی دعویٰ جھوٹا ہے، ایران نے ویڈیو جاری کردی

ڈرون گرانے کا امریکی دعویٰ جھوٹا ہے، ایران نے ویڈیو جاری کردی

تہران: امریکا کی جانب سے ایرانی ڈرون گرائے جانے کے صدر ٹرمپ کے دعوے کو …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے