ٹارگٹڈ کاروائیاں، ملزم ہلاک، 2گینگ وارکارندوں سمیت9گرفتار

کراچی میں جرائم کے خاتمے کیلئے قانون نافذ کرنے والے ادارے متحرک ہوگئے، رات گئے شہر کے مختلف علاقوں میں قانون نافذ کرنیوالے ادارے کے اہلکاروں نے پرانا گولیمار میں چھاپہ مار کر گینگ وار کے کارندہ کو گرفتارکرلیا، ملزم کی نشاندہی پر زیر زمین دفن کلاشنکوف اور دو پستول برآمد کرلیے گئے.۔

لیاری کے علاقے سنگولین سے بھی گینگ وار کارندے ارسلان عرف مواچھ گوٹھ کو تین ساتھیوں سمیت حراست میں لے لیا گیا، ملزمان کے قبضے سے اسلحہ اور منشیات برآمد کرلی گئیں۔

دوسری جانب نارتھ ناظم آباد کے قریب پولیس مقابلے میں ڈاکو مارا گیا جبکہ اس کا ایک ساتھی زخمی حالت میں گرفتار کرلیا گیا، پولیس کےمطابق ملزمان کا تیسرا ساتھی فرار ہونے میں کامیاب ہوگیا، اورنگی ٹاؤن کے علاقے مومن آباد میں پولیس نے مقابلے کے بعد اسٹریٹ کرائم میں ملوث ملزم کو زخمی حالت میں گرفتار کرکے اسلحہ اور مسروقہ سامان برآمد کرلیا۔

پولیس نے ڈیفنس ،محمودآباد اور ناظم آباد سے بھی لوٹ مارمیں ملوث تین ملزمان حراست میں لے لیا، پاک کالونی میں ڈکیتی کے دوران مزاحمت پر فائرنگ سے ڈاکٹر پریتم داس زخمی ہوگئے، جنہیں تشویشناک حالت میں اسپتال منتقل کردیا گیا۔

یہ بھی پڑھیں

پاکستان کا 72 واں جشن آزادی

ملک بھر میں جشن آزادی ملی جوش و جذبے کے ساتھ منایا جارہا ہے آج …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے