پی ٹی آئی امیدواروں سے حلف نامہ لینے پر عمران خان کو نوٹس

اسلام آباد: الیکشن کمیشن نے پاکستان تحریک انصاف کے چیرمین عمران خان کو پارٹی امیدواروں سے آزاد الیکشن نہ لڑنے کا حلف نامہ لینے پر نوٹس جاری کرتے ہوئے جواب طلب کرلیا۔

الیکشن کمیشن آف پاکستان میں تحریک انصاف کے امیدواروں سے حلف نامے لینے کے خلاف درخواست کی سماعت ہوئی۔ تحریک انصاف کے خلاف ملک محمد منیر اور راؤ وقاص ارشاد نے درخواست دائر کی۔ درخواست گزاروں کے وکیل نے کہا کہ تحریک انصاف نے امیدواروں سے غیر قانونی طور پر حلف نامے لئے۔ الیکشن کمیشن کے ممبر سندھ عبدالغفار سومرو نے کہا کہ تمام سیاسی جماعتیں امیدواروں سے حلف نامہ لے رہی ہیں۔

وکیل درخواست گزار نے کہا کہ پی ٹی آئی کے حلف نامے میں لکھا ہے کہ پارٹی نے ٹکٹ نہ دیا تو آزاد حیثیت میں الیکشن نہیں لڑا جائے گا، حلف نامہ غیر قانونی اور پارٹی کے منشور کا حصہ نہیں۔ الیکشن کمیشن نے معاملے پر چیئرمین تحریک انصاف عمران خان کو نوٹس جاری کرتے ہوئے چار جولائی تک سماعت ملتوی کردی۔

یہ بھی پڑھیں

مشتاق سکھیرا,وفاقی ٹیکس محتسب برطرفی کا, حکومتی نوٹفکیشن, معطل

مشتاق سکھیراوفاقی ٹیکس محتسب برطرفی کا حکومتی نوٹفکیشن معطل

اسلام آباد: ہائی کورٹ نے مشتاق سکھیرا کی بطور وفاقی ٹیکس محتسب برطرفی کا حکومتی …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے