عظیم صوفی بزرگ امیر خسرو کا عرس، بھارت نے پھر پاکستانیوں کو ویزے جاری نہیں کئے

عظیم صوفی شاعر حضرت امیر خسروؒ کے عرس کی تقریبات شروع ہونے میں دو دن باقی ہیں لیکن اسلام آباد میں بھارتی سفارت خانے کی طرف سے ابھی تک پاکستانی زائرین کو ویزے جاری نہیں کئے گئے ہیں۔امیر خسرو ؒ کےعرس کی تقریبات کا آغاز 28 جون کو ہونا ہے جو 5 جولائی تک جاری رہیں گی، پاکستانی زائرین نے عرس کی تقریبات میں شرکت کے لیے رواں سال جنوری میں وزارت مذہبی اموروبین المذاہب ہم آہنگی کے پاس درخواستیں جمع کروائی تھیں، اسکروٹنی کے بعد منتخب زائرین کوویزا کے حصول کے لئے درخواست اورپاسپورٹ جمع کروانے کا کہا گیا لیکن ابھی تک زائرین کو اس بات کا یقین نہیں ہے کہ انہیں بھارتی سفارتخانے کی طرف سے ویزے جاری کئے جائیں گے۔اسلام آباد میں بھارتی سفارتخانے کے ذرائع کا کہنا ہے بھارتی وزارت خارجہ کی طرف سے گرین سگنل ملتے ہی پاکستانی زائرین کو ویزے جاری کردیئے جائیں گے۔ادھرپاکستانی زائرین پریشان ہیں کہ ابھی تک ویزے نہیں ملے، اب صرف دو دن باقی ہیں اورانہوں نے تیاری بھی کرنی ہے ، ایسا نہ ہوکہ وہ لوگ تیاریاں کرلیں اوران کو ویزے نہ مل سکیںدوسری طرف پاکستان کی طرف سے بھارتی یاتریوں کو باقاعدگی سے ویزے جاری کئے جارہے ہیں، 21 جون کو 180 بھارتی سکھ یاتری مہاراجہ رنجیت سنگھ کی برسی منانے پاکستان آئے ہوئے ہیں۔واضح رہے کہ مارچ میں اجمیرشریف میں حضرت خواجہ معین الدین چشتی ؒ کے عرس میں شرکت کے لیے بھی 503 پاکستانی زائرین کو ویزے جاری نہیں کئے گئے تھے۔

یہ بھی پڑھیں

برطانوی تیل بردار جہاز کو عالمی قوانین کی خلاف کرنے کے الزام میں قبضے میں لے لیا

برطانوی تیل بردار جہاز کو عالمی قوانین کی خلاف کرنے کے الزام میں قبضے میں لے لیا

تہران: ایرانی رضاکار فورس بیسج (سپاہ پاسداران انقلاب اسلامی) کے شعبہ تعلقات عامہ کی جانب …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے