افغانستان کے صوبے ننگرہار میں بم دھماکے میں 20 افراد ہلاک

کابل: افغانستان کے صوبے ننگرہار میں طالبان اور سیکورٹی فورسز کی ملاقات کے دوران بم دھماکے کے نتیجے میں کم از کم 20 افراد ہلاک ہوگئے ہیں۔ فرانسیسی خبررساں ایجنسی کے مطابق افغانستان کے صوبے ننگرہار میں طالبان اور سیکورٹی فورسز کی ملاقات کے دوران بم دھماکے کے نتیجے میں کم از کم 20 افراد ہلاک ہوگئے ہیں۔ اطلاعات کے مطابق  افغان حکومت اور طالبان کی جانب سے عیدالفطر کے موقع پر جنگ بندی کے اعلان  کے بعد طالبان دہشت گردوں  نے کابل سمیت ملک کے دیگر شہروں میں  داخل ہوکر عوامی مقامات پر شہریوں اور سکیورٹی فورسز سے بغل گیر ہوکر انہیں عید کی مبارکباد دی  ۔

سکیورٹی فورسز سے ملاقاتوں  کے دوران طالبان دہشت گرد غیر مسلح تھے تاہم ننگر ہار میں عید ملنے کے دوران زور دار دھماکہ ہوا جس کے نتیجے میں کم از کم 20 افراد ہلاک اور متعدد زخمی ہوگئے۔ پولیس ذرائع کا کہنا ہے کہ دھماکا اس وقت ہوا جب طالبان کے مقامی عہدیدار افغان سیکورٹی اہلکاروں سے عید مل رہے تھے کہ گاڑی میں موجود راکٹ پھٹنے سے دھماکہ ہوگیا، جس گاڑی میں دھماکہ ہوا وہ طالبان کی تھی جو ملاقات کے دوران ہجوم میں کھڑی تھی۔

یہ بھی پڑھیں

لندن کے گریٹ آرمنڈ اسپتال میں کامیاب آپریشن

لندن کے گریٹ آرمنڈ اسپتال میں کامیاب آپریشن

لندن: اس آپریشن کی سیریز میں مجموعی طور پر 55 گھنٹے کا دورانیہ صرف ہوا …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے