انتخابات میں حصہ لینے والوں کی تحقیقات حساس اداروں نے شروع کردیں

حساس اداروں نے متوقع عام انتخابات میں حصہ لینے والے امیدواروں کے متعلق کوائف جمع کرنے شروع کر دیئے ہیں، اس سلسلہ میں ضلع لاہور کی قومی اسمبلی اور صوبائی اسمبلی کی نشستوں پر حصہ لینے والے امیدواروں کے متعلق پولیس اور سپیشل برانچ سے معلومات اکٹھی کی جا رہی ہیں، جبکہ انتخابات میں حصہ لینے والے امیدواروں کی طرف سے جمع کئے جانے والے کاغذات نامزدگی کی معلومات کیلئے ریٹرننگ آفیسران سے رابطہ کر لیا گیا ہے۔ ذرائع کے مطابق انتخابات میں حصہ لینے والے امیدواروں کی طرف سے پیش کی جانیوالی معلومات اور اثاثہ جات کے متعلق تحقیقات کرنا ہیں جس پر امیدواروں کی قسمت کا فیصلہ کیا جائے گا، جس میں حساس اداروں کی رپورٹ کو مد نظر رکھا جائے گا۔ یاد رہے کہ 2000 ء میں ضلعی حکومتوں کے انتخابات میں حصہ لینے والے امیدواروں کے متعلق حساس اداروں کی رپورٹ پر انہیں الیکشن لڑنے کی اجازت دی گئی تھی، جس میں متعدد امیدواروں کو حساس اداروں کی رپورٹ پر کاغذات نامزدگی مسترد کئے گئے تھے۔ ذرائع نے بتایا ہے کہ آئندہ ہونیوالے عام انتخابات میں حساس اداروں کی رپورٹ کو مدنظر رکھتے ہوئے ریٹرننگ آفیسران امیداروں کی الیکشن لڑنے یا نہ لڑنے کا فیصلہ دیں گے۔

یہ بھی پڑھیں

وزیراعظم, بیلٹ اینڈروڈ فورم, کی افتتاحی تقریب میں, پاکستان کی, نمائندگی کریں گے

وزیراعظم بیلٹ اینڈروڈ فورم کی افتتاحی تقریب میں پاکستان کی نمائندگی کریں گے

اسلام آباد: وزیراعظم عمران خان آج چار روزہ دورے پر چین روانہ ہوں گے، دورہ …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے