حسین طلعت کیریبیئن پریمیئر لیگ میں اِن ایکشن ہوں گے

لاہور: پاکستانی کرکٹر حسین طلعت بھی کیریبیئن پریمیئر لیگ کے دوران ایکشن میں نظر آئیں گے، نوجوان آل راﺅنڈر سینٹ لوشیا کی نمائندگی کریں گے۔

قومی کرکٹ ٹیم کے نوجوان ابھرتے ہوئے مایہ ناز آل راؤنڈر حسین طلعت نے سوشل میڈیا پر ٹوئٹ کرتے ہوئے شائقین کو اس خبر سے آگاہ کیا ہ وہ ویسٹ انڈیز میں ہونے والی کیربیئین پریمیئر لیگ میں سینٹ لوشیا اسٹارز کی نمائندگی کریں گے ، انہوں نے پہلے انٹرنیشنل کرکٹرز ایسوسی ایشن کی جانب سے ان کی سینٹ لوشیا ٹیم میں شرکت کی خبر شیئر کی جس کے بعد انہوں نے ٹوئٹ کیا کہ ” سی پی ایل مجھے بلا رہا ہے، اس سیزن میں سینٹ لوشیا اسٹارز کو جوائن کروں گا، امید ہے کہ میں ان کیلیے کچھ اچھا کر سکوں گا۔“

حسین طلعت پی ایس ایل کے پہلے اور تیسرے ایڈیشن کی فاتح اسلام آباد یونائیٹڈ کی نمائندگی کرچکے ہیں، انہیں ویسٹ انڈیز کیخلاف ٹی ٹوئنٹی سیریز میں پاکستان کی نمائندگی کا موقع بھی ملا جہاں انہوں نے اپنی صلاحیتوں کا بھرپور اظہار کیا، اپنے ڈیبیو میچ میں ہی مردِ میدان قرار پائے جب کہ دوسرے میچ میں بھی انہوں نے 63 رنز کی شاندار اننگز کھیلی۔ واضح رہے کہ کیریبیئن پریمیئر لیگ 8 اگست سے 16 ستمبر تک ویسٹ انڈیز میں کھیلی جائے گی۔

یہ بھی پڑھیں

ورلڈ کپ کے اہم میچ میں عامر کی شان دار بولنگ

ورلڈ کپ کے اہم میچ میں عامر کی شان دار بولنگ

ٹاؤنٹن: ورلڈ کپ 2019 عامر کی شان دار بولنگ، ڈراپ کیچز کے باوجود آسٹریلیا 307 …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے