مسلم لیگ (ن) کے سینیٹر مرزا محمد آفریدی نااہل قرار

اسلام آباد: الیکشن کمیشن نے مسلم لیگ (ن) کے سینیٹر مرزا محمد آفریدی کو نااہل قرار دے دیا۔

پاکستان ویوز کے مطابق الیکشن کمیشن نے سینیٹر مرزا محمد آفریدی کو واجبات کی عدم ادائیگی کی بنا پر نااہل قرار دے دیا۔ مرزا محمد آفریدی نے سترہ لاکھ روپے سوشل سیکورٹی ڈپارٹمنٹ کو جمع کرانا تھے لیکن جمع نہیں کرائے۔ الیکشن کمیشن نے معاملے کا نوٹس لیتے ہوئے مرزا محمد آفریدی کو سینیٹ رکنیت سے نااہل قرار دے دیا۔

مرزامحمد آفریدی فاٹا سے آزاد حیثیت میں سینیٹر منتخب ہوئے تھے۔ سینیٹر بننے کے بعد انہوں نے نواز شریف سے ملاقات کی اور (ن) لیگ میں شمولیت کا اعلان کیا تھا۔ مرزا آفریدی خیبرپختون خوا میں نگراں وزیراعلیٰ کے مجوزہ امیدوار منظور آفریدی کے بھائی بھی ہیں۔

یہ بھی پڑھیں

گلوکارابرارالحق اور ٹی وی کی دو سینئراداکارائیں بھی کورونا کا شکار

معروف گلوکار ابرار الحق کورونا وائرس  سے متاثر ہوگئے ہیں اور ان کا ٹیسٹ بھی …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے