ڈی آئی خان، تمام تدبیریں رائیگاں، ٹارگٹ کلنگ کا ایک اور سانحہ، پولیس اہلکار جاں بحق

ڈیرہ اسماعیل خان میں ٹارگٹ کلنگ کے عفریت پہ قابو پانے کی تمام تدبیریں رائیگاں گئی ہیں۔ نامعلوم ٹارگٹ کلرز نے دن دیہاڑے شہر کی مصروف ترین شاہراہ پہ فائرنگ کرکے اسپیشل برانچ کے ہیڈ کانسٹیبل کو سینکڑوں افراد کی موجودگی میں قتل کر ڈالا ہے۔ ٹارگٹ کلرز ارتکاب جرم کے بعد فرار ہونے میں کامیاب ہوگئے ہیں۔ سرکلر روڈ پہ اسٹیٹ لائف بلڈنگ کے سامنے اسپیشل برانچ کے ہیڈ کانسٹیبل حیات اللہ موٹر سائیکل پہ جارہے تھے کہ نامعلوم ٹارگٹ کلرز پیچھے سے آئے اور تاک تاک وقفے وقفے سے فائرنگ کی۔ متعدد گولیاں لگنے سے حیات اللہ شدید زخمی ہوکر گر پڑے۔ شہریوں نے فوری طور پر قریب ہی واقع سول ہسپتال میں انہیں منتقل کیا مگر وہ جانبر نہ ہوسکے۔ کینٹ پولیس نے واقعہ کا مقدمہ درج کرکے قاتلوں کی تلاش شروع کردی ہے۔

یہ بھی پڑھیں

صوبائی کابینہ کے اجلاس میں ضم قبائلی اضلاع کے لیے 52 گاڑیوں کی خریداری کی منظوری

صوبائی کابینہ کے اجلاس میں ضم قبائلی اضلاع کے لیے 52 گاڑیوں کی خریداری کی منظوری

پشاور: سول پروسیجرکوڈ میں ترامیم کی منظوری اور رزمک کیڈٹ کالج کی ریگولیشن کی منظوری …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے