سمندری ہوائیں بحال ہونے سے کئی روز سے جاری شدید گرمی کا زور ٹوٹ گیا

سمندری ہوائیں بحال ہونے سے کراچی میں گزشتہ کئی روز سے جاری گرمی کی لہر کا زور ٹوٹ گیا ہے۔ تفصیلات کے مطابق کراچی میں گزشتہ کئی روز سے شدید گرمی کی لہر نے شہریوں کی زندگی اجیرن کر دی تھی، تاہم سمندری ہوائیں بحال ہونے سے شہر میں گرمی کا زور ٹوٹ گیا ہے۔ محکمہ موسمیات کے مطابق 5 روز بعد سمندر کی جانب سے چلنے والی ہوائیں بحال ہوگئی ہیں، جس کی وجہ سے دوپہر 2 بجے زیادہ سے زیادہ درجہ حرارت 36 ڈگری ریکارڈ کیا گیا، تاہم ہیٹ انڈیکس (گرمی کی شدت) 41 درجہ سینٹی گریڈ محسوس کی جا رہی ہے۔ ہوا میں نمی کا تناسب 40 فیصد ہے، جبکہ سمندری ہوائیں 22 کلومیٹر فی گھنٹہ کی رفتار سے چل رہی ہیں۔ محکمہ موسمیات کے مطابق جمعہ، ہفتہ اور اتوار کو گرمی کی شدت میں خاصی حد تک کمی ہوگی، تاہم خدشہ ہے کہ پیر سے کراچی سمیت سندھ کے جنوبی علاقوں میں درجہ حرارت ایک مرتبہ پھر بڑھ سکتا ہے۔ واضح رہے کہ امسال شدید گرمی کی لہر سے متعلق آگہی ہونے کے باعث شہریوں نے احتیاطی اقدامات کے تحت شدید گرمی میں کام کرنے اور باہر نکلنے سے گریز کیا ہے۔

یہ بھی پڑھیں

نیا بینچ تشکیل, دینے کے لیے, معاملہ چیف جسٹس کو بھجوا, دیا

نیا بینچ تشکیل دینے کے لیے معاملہ چیف جسٹس کو بھجوا دیا

کراچی: جسٹس محمد سلیم جیسر نے کرپشن کیس میں آغا سراج درانی اور دیگر کی …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے