اسرائیلی فضائیہ کی غزہ پر پھر بمباری

مقبوضہ بیت المقدس: اسرائیلی ایئر فورس نے فلسطینیوں کے خلاف ریاستی دہشتگردی کا ایک بار پھر مظاہرہ کرتے ہوئے غزہ پر بمباری کی ہے۔

غیر ملکی خبر رساں ادارے کے مطابق اسرائیلی فضائیہ نے شمالی غزہ میں فضائی حملے کرتے ہوئے ماہی گیروں کی کشتیوں اور ایک گھر کو نشانہ بنایا ہے۔ حملے میں ماہی گیروں کی کشتیاں اور گھر تباہ ہوگیا۔ دوسری طرف اسرائیلی فوج نے حماس کی سرنگ اور زیر زمین نظام کو نشانہ بنانے کا دعویٰ کیا ہے۔

گزشتہ ہفتے ہی اسرائیلی فوج کی فائرنگ اور شیلنگ سے 70 سے زائد فلسطینی شہید اور ہزاروں زخمی ہوگئے تھے۔ ہزاروں فلسطینی مظاہرین امریکی سفارت خانے کی مقبوضہ بیت المقدس (یروشلم) منتقلی کے خلاف احتجاج کررہے تھے کہ اسرائیلی فوج نے نہتے مظاہرین پر فائرنگ کردی۔

فلسطینیوں کے قتل عام پر اقوام متحدہ اور عالمی برادری نے حسب معمول تماشائی کا کردار ادا کرتے ہوئے بے حسی کا مظاہرہ کیا اور اسرائیل کے خلاف کوئی قدم نہیں اٹھایا

یہ بھی پڑھیں

امریکی حکومت بل پیش کرنے والے بھارتی وزیرداخلہ امیت شاہ پرپابندی لگائے

امریکی حکومت بل پیش کرنے والے بھارتی وزیرداخلہ امیت شاہ پرپابندی لگائے

واشنگٹن: امریکا کے فیڈرل کمیشن برائے عالمی مذہبی آزادی نے بھارتی لوک سبھا میں شہریت …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے